മലയാള സിനിമയിലെ മുന്‍നിര കൊമേഡിയന്‍മാരില്‍ ഒരാളാണ് ധര്‍മജന്‍ ബൊള്‍ഗാട്ടി. ‘കട്ടപ്പനയിലെ ഹൃത്വിക് റോഷനി’ലൂടെയാണ് താരം പ്രേക്ഷകര്‍ക്കിടെയില്‍ കൂടുതല്‍ ശ്രദ്ധ നേടിയത്. എന്നാല്‍ കോമഡിയില്‍ നിന്ന് അല്‍പം ഇടവേളയെടുക്കാനാണ് ധര്‍മജന്‍റെ ഇപ്പോഴത്തെ തീരുമാനം. പുതിയ ചിത്രത്തില്‍ നായകനാകാനുള്ള ഒരുക്കത്തിലാണ് ധര്‍മജന്‍. സാമൂഹിക പ്രാധാന്യമുള്ള വളരെ വ്യതസ്തമാര്‍ന്ന ചിത്രത്തിലൂടെയാണ് താരത്തിന്‍റെ നായക അരങ്ങേറ്റം. ഒട്ടേറെ കോമഡി താരങ്ങള്‍ ഹാസ്യനടനില്‍ നിന്ന് മാറി ഗൗരവമേറിയ കഥാപാത്രങ്ങളായി രംഗത്ത് വന്നിട്ടുണ്ട്. ഹാസ്യ നിരയില്‍ തിളങ്ങി നിന്ന സുരാജിനെപ്പോലെയുള്ളവര്‍ പിന്നീട് നായക വേഷം ചെയ്യുകയും ദേശീയ അവാര്‍ഡ്‌ വരെ സ്വന്തമാക്കുകയും ചെയ്തിരുന്നു. ഒരു ടിവി ചാനലിന് നല്‍കിയ അഭിമുഖത്തിലാണ് തന്‍റെ നായക സ്വപ്നങ്ങളെക്കുറിച്ച് ധര്‍മജന്‍ പങ്കുവെച്ചത്.
Post Your Comments