പേടി മാത്രമല്ല എസ്ര; സംവിധായകന്‍ ജയ് കെ വെളിപ്പെടുത്തുന്നു

അദ്ദേഹത്തിന്‍റെ വാക്കുകള്‍:

എസ്രയുടെ മാര്‍ക്കറ്റിംഗ് തുടങ്ങിയ സമയത്ത് മാത്രമാണ് ഭയം എന്ന വാക്ക് പോസ്റ്ററുകളിലും മറ്റും ഉപയോഗിച്ചത്. ടാഗ് ലൈനിലാണെങ്കിലും ഭയം എന്നൊരു ആശയം തന്നെയാണ് ഉപയോഗിച്ചിരിക്കുന്നത്. പക്ഷെ, ആളുകളെ ഭയപ്പെടുത്തുക എന്നതല്ല എസ്രയുടെ ലക്ഷ്യമെന്നും പല വികാരങ്ങള്‍ ചിത്രത്തില്‍ വരുന്നുണ്ടെങ്കിലും ഭയത്തിനു കൂടുതല്‍ പ്രാധാന്യമുണ്ടെന്നു മാത്രം. ഈ കഥാപാത്രത്തിന് അനുയോഗ്യനായ ആള്‍ പൃഥ്വിയായതുകൊണ്ടാണ് ചിത്രത്തിലേക്ക് പൃഥ്വിയെ തിരഞ്ഞെടുത്തതെന്നും രണ്ടു വര്ഷം മുന്പ് പൂര്‍ത്തിയായ തിരക്കഥയുമായി പൃഥ്വിരാജിനായി കാത്തിരുന്നുവെന്നും ജയ് കെ കൂട്ടിച്ചേര്‍ത്തു.

ജൂതന്മാരുടെ ഐതിഹ്യങ്ങളെ അടിസ്ഥാനപ്പെടുത്തി കേരളത്തിന്‍റെ പശ്ചാത്തലത്തില്‍ പറയുന്ന ചിത്രമാണ് എസ്ര. കേരളത്തിലെ ജൂത ചരിത്രമല്ല അതിലെ ഒരു മിത്തിനെയാണ് ചിത്രത്തില്‍ ആവിഷ്കരിച്ചിരിക്കുന്നതെന്നും അദ്ദേഹം പറയുന്നു.