ഈ പെട്ടിപ്പിടിച്ചു നില്‍ക്കുന്ന സഹായിയാണോ പുതിയ തമിഴ്‌നാട് മുഖ്യമന്ത്രി ശശികല? പരിഹാസവുമായി സംവിധായകന്‍ രാംഗോപാല്‍ വര്‍മ

തമിഴ് നാട്ടിലെ പുതിയ മുഖ്യമന്ത്രിയായി സത്യ പ്രതിജ്ഞ ചെയ്യാന്‍ തയ്യാറാകുന്ന ശശികല നടരാജന് ട്വിറ്ററില്‍ പരിഹാസവര്‍ഷം തുടരുകയാണ്. തൊട്ടതെന്തും വിവാദമാക്കുന്ന ബോളിവുഡ് സംവിധായകന്‍ രാംഗോപാല്‍ വര്‍മയും ശശികലയെ പരിഹസിച്ച് രംഗത്തെത്തി.

ജയലളിതയുടെ ഒരു പഴയ ഫോട്ടോ ട്വിറ്ററില്‍ പോസ്റ്റ് ചെയ്തായിരുന്നു വര്‍മയുടെ പരിഹാസം. ജയക്ക് പിറകില്‍ പെട്ടി പിടിച്ചുനില്‍ക്കുന്ന സഹായിയായ സ്ത്രീയെ ചൂണ്ടിക്കാട്ടി ജയലളിതയ്ക്ക് പിറകില്‍ പെട്ടിപിടിച്ചുനില്‍ക്കുന്നത് ശരിക്കും പുതിയ തമിഴ്‌നാട് മുഖ്യമന്ത്രി ശശികലയാണോ? വെറുതെ ചോദിക്കുന്നതാണ്‌-വര്‍മ ട്വിറ്ററില്‍ കുറിക്കുന്നു.

നടി രഞ്ജിനിയും ക്രിക്കറ്റ് താരം അശ്വിനുമെല്ലാം ശശികലയെ വിമര്‍ശിച്ചും പരിഹസിച്ചും പോസ്റ്റുകള്‍ ഇട്ടിരുന്നു.

Is the bag carrier walking behind Jayalalitha really Sasikala the present chief minister of Tamilnadu?..Just asking? pic.twitter.com/azyZZJw1AY

— Ram Gopal Varma (@RGVzoomin) February 6, 2017