ബോളിവുഡിലെ ഖാന്‍ ത്രയങ്ങളാണ് സല്‍മാന്‍, ഷാരൂഖ്, ആമീര്‍. ഈ കൂട്ടുകെട്ടില്‍ നിരവധി ഹിറ്റ് ചിത്രങ്ങള്‍ അഭിനയത്തിന്റെ ആദ്യ കാലത്തുണ്ടായിരുന്നു. ഇപ്പോള്‍ വീണ്ടും പുതിയ ഹിറ്റ് ഉണ്ടാക്കാന്‍ സല്‍മാനും ഷാരൂഖ് ഖാനും ഒന്നിക്കുന്നു.
സംവിധായകന്‍ കബീര്‍ ഖാന്‍ ഒരുക്കുന്ന ട്യൂബ് ലൈറ്റ് എന്ന ചിത്രത്തിലാണ് ഷാരൂഖ് ഖാനും സല്‍മാന്‍ ഖാനും ഒന്നിക്കുന്നത് . 15 വര്‍ഷത്തിന് ശേഷമാണ് സല്‍മാനും ഷാരൂഖും ഒരു ചിത്രത്തില്‍ പ്രമുഖ കഥാപാത്രങ്ങളായി എത്തുന്നത്. നേരത്തെ സല്‍മാന്‍ ഷാറൂഖിനൊപ്പം ഓം ശാന്തി ഓം എന്ന ചിത്രത്തിലെ ഗാനരംഗത്തില്‍ മുഖം കാണിച്ചിരുന്നു. ഏക് ഥാ ടൈഗറിന്റെയും ബജ്റംഗി ഭായ്ജാനിന്റെയും സംവിധായകനാണു കബീര്‍ ഖാന്‍.
ഇരുവരും ഒന്നിക്കുന്ന വാര്‍ത്ത വന്നപ്പോള്‍ ഇക്കാര്യം ചിത്രത്തിന്റെ നിര്‍മാതാക്കളോട് ചോദിക്കൂ. അവര്‍ നിങ്ങളോടത് വ്യക്തമാക്കുമെന്നാണ് ഷാരൂഖ് മാധ്യമങ്ങളോട് പ്രതികരിച്ചിരുന്നത്. ഇപ്പോള്‍ സംവിധായകന്‍ കബീര്‍ ഖാന്‍ തന്നെയാണ് ഇതു സംബന്ധിച്ച കാര്യങ്ങള്‍ മാധ്യമങ്ങളോട് വെളിപ്പെടുത്തിയിരിക്കുന്നത്. ട്യൂബ് ലൈറ്റില്‍ ഷാരൂഖും ഉണ്ടാവും. മാന്ത്രികനായാണ് ഷാരൂഖ് അഭിനയിക്കുക. ഇപ്പോള്‍ അദ്ദേഹത്തിന്റെ വേഷത്തേപ്പറ്റി കൂടുതല്‍ പറയാനാവില്ലെന്ന് സംവിധായകന്‍ പറഞ്ഞു. സല്‍മാനും കബീറും ചേര്‍ന്നാണ് ട്യൂബ് ലൈറ്റ് നിര്‍മിക്കുന്നത്.
Post Your Comments