സീരിയല്‍ സിനിമാ രംഗങ്ങളില്‍ തന്റേതായ സ്ഥാനം നേടിയെടുത്ത അഭിനേത്രിയാണ് നര്‍ത്തകി കൂടിയായ ആശാ ശരത്ത്. ഒരു അഭിനയ പഠന കേന്ദ്രം ആരംഭിക്കാന്‍ ഒരുങ്ങുകയാണ് ആശാ ശരത്ത്. ആശാ ശരത്ത് കള്‍ച്ചറല്‍ സെന്റര്‍ എന്നാണ് സ്ഥാപനത്തിന് പേരിട്ടിരിക്കുന്നത്. ഇതിന്റെ ഉദ്ഘാടനം ഫെബ്രുവരി ഒന്നിന് ദുബായില്‍ നടക്കും. ആശയുടെ പേരില്‍ ദുബായില്‍ ആരംഭിക്കുന്ന അഞ്ചാമത്തെ സ്ഥാപനമാണിത്.
തന്റെ ഇളയമകളെ അഭിനയം പഠിപ്പിക്കണമെന്ന ആഗ്രഹത്തിന്റെ ഫലമായി അന്വേഷിച്ചപ്പോള്‍ യു.എ.ഇയിൽ അത്തരം സ്ഥാപനങ്ങളില്ല എന്നറിഞ്ഞത്തില്‍ നിന്നുമാണ് ഇങ്ങനെയൊരു ആശയം രൂപപ്പെട്ടതെന്നു ആശാ ശരത്ത് പറയുന്നു.
മലയാളത്തിലെയും മറ്റ് ഭാഷകളിലെയും പല പ്രമുഖ താരങ്ങള്‍ ഇവിടെ ക്ലാസെടുക്കും. 50 മണിക്കൂർ ക്ലാസാണ് കോഴ്‌സിലുള്ളത്. കോഴ്‌സ് പൂർത്തിയാക്കിയ ശേഷം ഇവർക്കായി ദുബായിൽ ഫാഷൻ ഷോ സംഘടിപ്പിക്കുമെന്നും ആശാ ശരത്ത് പറഞ്ഞു.
Post Your Comments