അതീവരഹസ്യമായി കഥയും ചിത്രത്തിന്റെ മെയിന്‍ തീമും പുറത്തറിയാതെ ചിത്രീകരിക്കുന്ന സിനിമകളുടെ ഷൂട്ടിംഗ് സ്ഥലത്തെ ദൃശ്യങ്ങള്‍ ഇപ്പോള്‍ പുറത്താവുകയാണ്‌. ബാഹുബലിയുടെയും മറ്റും ചിത്രങ്ങളും വീഡിയോകളും സമൂഹമാധ്യമങ്ങളില്‍ മുമ്പ് പ്രചരിച്ചിരുന്നു.
ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത് തമിഴ് സൂപ്പര്‍ താരം അജിത്തിന്റെ പുതിയ ചിത്രം തല 57 ന്റെ ഷൂട്ടിങ്ങ് ചിത്രങ്ങളാണ് . യൂറോപ്പില്‍ വെച്ച്‌ ഷൂട്ട് ചെയ്ത ഭാഗങ്ങളാണ് ചോര്‍ന്നത്. വിദേശ താരങ്ങള്‍ അണിനിരക്കുന്ന സംഘട്ടന രംഗങ്ങളാണ് അവിടെ ഷൂട്ട് ചെയ്തതതെന്ന് പുറത്തായ ചിത്രങ്ങളില്‍ നിന്നും വ്യക്ത്തമാകും. തോക്ക് പിടിച്ചിരിക്കുന്ന ഒരു കൂട്ടം താരങ്ങള്‍ വണ്ടിയില്‍ പിന്തുടരുന്നതും കാണാം. ഇറാഖ് -സിറിയ സംഭവ കഥയുടെ പുനരാവിഷ്ക്കാരമായിരിക്കണം ഇവിടെ ഷൂട്ട് ചെയ്തതെന്ന് ആരാധകര്‍ സംശയിക്കുന്നു.
ചിത്രങ്ങള്‍ ഇന്റര്‍നെറ്റില്‍ പ്രചരിച്ചതിനെ തുടര്‍ന്ന് സംവിധയാകന്‍ ശിവ സുരക്ഷ ശക്തമാക്കിയിട്ടുണ്ട്. അജിത്തും അണിയറ പ്രവര്‍ത്തകര്‍ക്ക് ചില നിര്‍ദ്ദേശങ്ങള്‍ നല്‍കിയിട്ടുണ്ടെന്നാണ് വിവരം. തുടര്‍ന്ന് അണിയറപ്രവര്‍ത്തകര്‍ ഷൂട്ടിങ്ങ് സ്ഥലത്ത് മൊബൈല്‍ കാമറ ഉപയോഗിക്കുന്നതും ആരാധകരുടെ പ്രവേശനം നിയന്ത്രിക്കുകയും കൂടെ നിന്ന് ഫോട്ടോ എടുക്കുന്നതിന് വിലക്കുകയും ചെയ്തിട്ടുണ്ട്.
Post Your Comments