നിവിൻ പോളിയുടെ പ്രോജക്റ്റുകളിൽ പലതും ഓൺലൈൻ മൂവീ പേജുകളുടെ ഊഹങ്ങൾ?

മലയാള സിനിമയിൽ ഇന്ന് ഏറ്റവും താരമൂല്യമുള്ള നടനാണ് നിവിൻ പോളി. തൊട്ടതെല്ലാം പൊന്നാക്കുന്ന മിഡാസിനെ പോലെ നിവിൻ തന്റെ ജൈത്രയാത്ര തുടരുകയാണ്. ഒട്ടനവധി പ്രോജക്റ്റുകൾ നിവിൻ പോളിയുടേതായി അനൗൺസ് ചെയ്യപ്പെടുന്നുണ്ടെങ്കിലും, അവയിൽ പലതും ചില ഓൺലൈൻ പത്രങ്ങളുടെ മനോഹരമായ സങ്കൽപ്പമാണെന്ന് തിരിച്ചറിയുകയാണ്. ഇപ്പോഴിതാ അത്തരമൊരു ഊഹം ബന്ധപ്പെട്ടവർ നിഷേധിക്കുകയാണ്.

നിവിൻ പോളിയെ നായകനാക്കി മാര്‍ട്ടിന്‍ പ്രക്കാട്ട് ഒരു ചിത്രം സംവിധാനം ചെയ്യുന്നു എന്ന വാർത്ത അടുത്തിടെ ഓൺലൈനിലൂടെ പ്രചരിച്ചിരുന്നു. എന്നാല്‍ ആ വാർത്ത സത്യമല്ല, അത്തരമൊരു പ്രോജക്റ്റ് താൻ പ്ലാൻ ചെയ്തിട്ടില്ല എന്നാണ് സംവിധായകന്റെ പക്ഷം. അത്തരത്തിലുള്ള ഒരു ചര്‍ച്ചകളും ഇതുവരെ നടന്നിട്ടില്ലെന്നും നിവിനെ നായകനാക്കി ഉടനെ ഒരു പ്രോജക്ട് ഉദ്ദേശിക്കുന്നില്ലെന്നും അദ്ദേഹം പറഞ്ഞു.