സംഗീത സംവിധായകൻ ശരത്തിന് കഴിഞ്ഞദിവസം സിനിമാ ചിത്രീകരണ വേളയില്‍ അപകടം പറ്റി. അതില്‍ കൈക്ക് പരിക്കേറ്റിരുന്നു. പുതിയ ചിത്രമായ ഹാദിയയുടെ ഷൂട്ടിങ്ങിനിടയിലാണ് അപകടം നടന്നത്. ചലിക്കുന്ന ലേറിക്കു മുകളിലിരിക്കവേ ഹെലി കാമറ നിയന്ത്രണം വിട്ട് ശരത്തിന്‍റെ ദേഹത്തേക്ക് പതിക്കുകയായിരുന്നു. കൈക്കും തോളിനും പരിക്കേറ്റിരുന്നു. ചിത്രത്തിന്‍റെ സംഗീത സംവിധാനം നിര്‍വഹിക്കുന്നത് ശരത്താണ്. ചിത്രത്തിലെ ഒരു രംഗത്തില്‍ അഭിനയിക്കുന്നതിനിടെയാണ് അപകടം പറ്റിയത്. സംവിധായകൻ ഒരുപാട് നിര്‍ബന്ധിച്ചതിനാലാണ് ഒരു രംഗത്തില്‍ അഭിനയിക്കാൻ മുതിര്‍ന്നതെന്നും ശരത് വ്യക്തമാക്കി.
അപകടത്തെ നേരില്‍ കണ്ട അനുഭവം പങ്കുവെച്ച് കൊണ്ട് ശരത് ഫേസ്ബുക്കില്‍ വീഡിയോ പോസ്റ്റ് ചെയ്തു. എല്ലാവരും സൂക്ഷിക്കണമെന്നും ഹെലിക്യാമറ ഒക്കെ ഉപയോഗിക്കുന്ന സ്ഥലങ്ങളില്‍ കുട്ടികളെ മുതിര്‍ന്നവര്‍ പ്രത്യേകം സൂക്ഷിക്കണമെന്നും പറയുന്ന ശരത്ത് ഹെലിക്യാമറ നമ്മുടെ നിയന്ത്രണങ്ങൾക്കും അതീതമാണെന്നും ഓര്‍മിപ്പിക്കുന്നു
Post Your Comments