ഗൗതം മേനോന്‍ നിര്‍മ്മിക്കുന്ന പുതിയ ചിത്രത്തില്‍ തെന്നിന്ത്യന്‍ ഗ്ലാമര്‍ താരം തമന്ന നായികയാകും. പെല്ലി ചൂപ്പലു എന്ന തെലുങ്ക് ചിത്രത്തിന്റെ തമിഴ് റീമേക്കിലാണ് താരം നായികയാവുക. സ്ക്രിപ്റ്റില്‍ തമന്ന സംതൃപ്തയാണെന്നും ഗൗതം മേനോനുമായി താരം ചര്‍ച്ച നടത്തിയെന്നും വാര്‍ത്തകളുണ്ട്. ഗൗതം മേനോനും തമന്നയും ആദ്യമായി ഒന്നിക്കുന്ന ചിത്രമാണിത്.
ഏപ്രിലിലോടുകൂടി ചിത്രത്തിന്റെ ഷൂട്ടിംഗ് ആരംഭിക്കും. ചെന്നൈ ആയിരിക്കും ചിത്രത്തിന്റെ പ്രധാന ലൊക്കേഷന്‍. സെന്തില്‍ വീരസ്വാമിയാണ് ചിത്രം സംവിധാനം ചെയ്യുന്നത്. ഗൗതം മേനോന്‍ സംവിധാനം ചെയ്യുന്ന എന്നൈ നോക്കി പായും തോട്ടയില്‍ സെന്തില്‍ അഭിനയിക്കുന്നുമുണ്ട്.
Post Your Comments