2016 മോഹന്‍ലാലിന്റെ വര്‍ഷമായിരുന്നു. മോഹന്‍ലാലിന്റെ കരിയറിലെ ഏറ്റവും മികച്ച രണ്ടു ഹിറ്റുകള്‍ പിറന്ന വര്‍ഷമാണ്‌ കടന്നുപോയത്. പുലിമുരുകന്‍ നൂറ് കോടി ക്ലബിലെത്തിയതിനു പിന്നാലെ ‘ഒപ്പം’ എന്ന മോഹന്‍ലാല്‍ ചിത്രവും അന്‍പത് കോടി ക്ലബില്‍ ഇടംപിടിച്ചു. മോഹന്‍ലാല്‍-പ്രിയദര്‍ശന്‍ ടീം ഒരുക്കിയ ഒപ്പത്തിന്റെ നൂറ്റിയൊന്നാം ദിനാഘോഷം വ്യാഴാഴ്ച വൈകിട്ട് എറണാകുളം ഗോകുലം പാര്‍ക് ഹോട്ടലില്‍ നടന്നു. മോഹന്‍ലാലും പ്രിയദര്‍ശനുമൊക്കെ പങ്കെടുത്ത ആഘോഷ ചടങ്ങില്‍ നിവിന്‍പോളി, അജു വര്‍ഗീസ്, അല്‍ഫോന്‍സ് പുത്രന്‍ എന്നീ യുവതാരനിരയുടെ സാന്നിധ്യവും ചടങ്ങിനു കൊഴുപ്പേകി. ആഘോഷവേദിയില്‍ മറ്റൊരു രസകരമായ സംഭവവും അരങ്ങേറി. അവതാരക മോഹന്‍ലാലിനോട് മീശ പിരിക്കാന്‍ ആവശ്യപ്പെട്ടപ്പോള്‍ തന്റെ തൊട്ടടുത്തു നിന്ന നിവിന്‍ പോളി തന്റെ മീശ പിരിക്കട്ടെ എന്നാണ് മോഹന്‍ലാല്‍ മറുപടി നല്‍കിയത്. ഇത് കേട്ടതും യുവസൂപ്പര്‍ താരം നിവിന്‍ പോളി താരരാജാവിന്റെ മീശപിരിച്ചു…
Post Your Comments