ബോളിവുഡ് റൊമാന്‍റിക് ഹീറോ രൺബീർ കപൂറിനൊപ്പം ഇതുവരെ അഭിനയിക്കാന്‍ അവസരം ലഭിച്ചിട്ടില്ലെന്ന് താരസുന്ദരി വിദ്യാ ബാലന്‍. രൺബീറിനൊപ്പം അഭിനയിക്കാൻ അവസരം ലഭിച്ചാൽ വളരെ സന്തോഷത്തോടെ സ്വീകരിക്കുമെന്ന് പറഞ്ഞ വിദ്യ ഒരുമിച്ച് വർക്ക് ചെയ്യുന്നത് സുന്ദരമായിരിക്കുമെന്നും സൂചിപ്പിക്കുന്നു. ഒരു നടൻ എന്ന നിലയിൽ രൺബീർ തന്‍റെ ഫേവറിറ്റ് സ്റ്റാറായായതാണ് അതിനുള്ള കാരണമായി വിദ്യ പറയുന്നത് .
വർഷങ്ങളായി സിനിമാലോകത്തിൽ സജീവമാണ് ഇരുവരും. എന്നാല്‍ രൺബീറും വിദ്യയും ഇതുവരെ സ്ക്രീനിൽ ഒന്നിച്ചിട്ടില്ലെന്നത് ശ്രദ്ധേയമാണ്.
ബോളിവുഡ് യുവ താരം ആലിയ ഭട്ട് തന്നെ വിസ്മയിപ്പിച്ചു കളഞ്ഞിട്ടുണ്ടെന്നും വിദ്യ പറയുന്നു. ഉഡ്ത പഞ്ചാബ് എന്ന ചിത്രത്തിൽ ഗംഭീര അഭിനയമാണ് കാഴ്ചവെച്ചത്. ചിത്രത്തിൽ ഒരിടത്തും ആലിയ എന്ന വ്യക്തിയെ കാണില്ല. ആ കഥാപാത്രമായി അവൾ മാറുകയായിരുന്നു. ശരിക്കും ആലിയ ഉഡ്തപഞ്ചാബിലൂടെ അത്ഭുതപ്പെടുത്തിക്കളഞ്ഞുവെന്നും താരസുന്ദരി പറയുന്നു. പുതുവർഷദിനത്തിൽ പിറന്നാൾ ആഘോഷിക്കുന്ന വിദ്യ ഇത്തവണ കുടുംബത്തിനൊപ്പമാണ് പിറന്നാൾ ആഘോഷിക്കുന്നതെന്നും കൂട്ടിച്ചേർത്തു.
Post Your Comments