കരിയറിലെ മികച്ച കഥാപാത്രവുമായി ബൈജു എത്തുന്നു

കുഞ്ഞപ്പൻ എന്നാണ് ചിത്രത്തിൽ ബൈജു അവതരിപ്പിക്കുന്ന കഥാപാത്രത്തിന്റെ പേര്. തനിക്ക് ഇതുവരെയും കിട്ടിയതിൽ വച്ച് ഏറ്റവും മികച്ചതാണ് കുഞ്ഞപ്പൻ എന്നാണ് ബൈജുവിന്റെ അഭിപ്രായം. സർവ്വത്ര വൃത്തികേടുകളും കാണിച്ച് ജീവിക്കുന്ന കുഞ്ഞപ്പൻ തന്റെ ഗ്രാമത്തിലേക്ക് ഒരു പെൺകുട്ടിയെ കൊണ്ട് വരുന്നതോടെയാണ് “പുത്തൻ പണം” തുടങ്ങുന്നത്. രഞ്ജിത്തിന്റെ എഴുത്ത് ശൈലിയിൽ അപ്രധാന കഥാപാത്രങ്ങൾക്കു പോലും മികച്ച സ്‌ക്രീൻ സാന്നിധ്യം ലഭിക്കുമെന്നിരിക്കേ, കുഞ്ഞപ്പൻ ജനങ്ങൾക്കിടയിൽ ഏറ്റവും അധികം ചർച്ച ചെയ്യപ്പെടാൻ പോകുന്ന കഥാപാത്രമായിരിക്കുമെന്നാണ് ബന്ധപ്പെട്ടവർ അവകാശപ്പെടുന്നത്.