അടുത്തിടെ ഒരു തമിഴ് ചാനലിൽ കൊടുത്ത ഇന്റർവ്യൂവിൽ, ഏറ്റവും ഇഷ്ടമുള്ള അഭിനേതാവ് ആരാണ് എന്ന ചോദ്യത്തിന് ധനുഷ് കൊടുത്ത മറുപടി മോഹൻലാൽ എന്നായിരുന്നു. ലോകത്തിലെ ഏറ്റവും മികച്ച പത്ത് അഭിനേതാക്കളുടെ ലിസ്റ്റെടുത്താൽ അതിൽ ഇന്ത്യയിൽ നിന്നും മോഹൻലാൽ എന്ന പേര് ഉറപ്പായും ഉണ്ടാകും എന്നും അദ്ദേഹം അഭിപ്രായപ്പെട്ടു.
“ധനുഷിന് ഏതെങ്കിലും ഒരു നടനുമായി കോഫീ കുടിച്ച്, സംസാരിക്കണം എന്ന് ആഗ്രഹമുണ്ടെങ്കിൽ അത് ആരാണ്” എന്ന് അവതാരക ചോദിച്ചപ്പോൾ അവിടെയും ധനുഷിന്റെ ഉത്തരം മോഹൻലാൽ എന്ന് തന്നെയായിരുന്നു. “മോഹൻലാൽ സാറിൽ നിന്നും ഒരുപാട് പഠിക്കാനുണ്ട്. അത്രയ്ക്കും എക്സ്പീരിയൻസുള്ള ഇതിഹാസതാരമാണ് അദ്ദേഹം. അങ്ങനെ ഒരു കോഫീ കുടിക്കാനുള്ള അവസരം ലഭിച്ചാൽ അത് എന്റെ ഭാഗ്യമായി ഞാൻ കരുതും” എന്നും ധനുഷ് പറഞ്ഞു. 2015 ‘ലെ ഒരു അവാർഡ് ദാന ചടങ്ങിലും ധനുഷ് തനിക്ക് മോഹൻലാലിനോടുള്ള ആരാധന തുറന്നു പറഞ്ഞിരുന്നു. “മോഹൻലാൽ ഇന്ത്യയുടെ അഭിമാനവും, കേരളത്തിന്റെ സ്വത്തും ആണ്” എന്നായിരുന്നു അന്ന് സ്റ്റേജിൽ ധനുഷ് പറഞ്ഞത്.
Post Your Comments