2255 ഈ നമ്പർ ഓര്‍ക്കാത്ത മലയാളികള്‍ ഉണ്ടോ? ‘സഹായിക്കുന്നവരെ ഞാന്‍ ഒരിക്കലും മറക്കില്ല. ഇത് എത്രയുണ്ടെന്ന് ഞാന്‍ എണ്ണി നോക്കിയിട്ടില്ല. കുറഞ്ഞുപോയെങ്കില്‍ എന്റെ ഓഫീസിലേയ്ക്ക് വിളിച്ചാല്‍ മതി. മൈ ഫോണ്‍ നമ്പര്‍ ഈസ്‌ 2255. ‘ രാജാവിന്റെ മകൻ എന്ന ചിത്രത്തില്‍ അഡ്വ. ആന്‍സിയോടുള്ള ആ ഡയലോഗും എസ്. ചാന്ദ് ആന്‍ഡ് കമ്പനിയുടെ കലണ്ടറില്‍ വിന്‍സെന്റ് ഗോമസ് കുറിച്ച ആ നാലക്ക നമ്പറും.
മലയാളികള്‍ എന്നും ആഘോഷമാക്കിയ ഒരുപിടി കഥാപാത്രം മോഹന്‍ലാലിനുണ്ട്. പോ മോനെ ദിനേശനും സവരിഗിരിഗിരിയും മലയാളികള്‍ കേള്‍ക്കുംമുന്പേ മനസ്സില്‍ പതിഞ്ഞതാണ് ഈ ഫോണ്‍ നമ്പര്‍. മുപ്പതു വാര്‍ഷത്തിനു മുമ്പ് പുറത്തിറങ്ങിയ രാജാവിന്റെ മകന്‍ എന്ന ചിത്രത്തിലെ ഈ ഡയലോഗിലെ സൂപ്പര്‍ഹിറ്റ് നമ്പറുമായി വീണ്ടും വരികയാണ് മോഹന്‍ലാല്‍.
2255 എന്ന ഫോൺ നമ്പർ രാജാവിന്റെ മകൻ എന്ന ചിത്രത്തിലെ വിൻസെന്റ് ഗോമസിലൂടെ മാസ്സാക്കിതീർത്ത ലാലേട്ടൻ തന്റെ പുതിയ ലാൻഡ് ക്രൂയിസറിനും അതേ നമ്പറാണ് സ്വന്തമാക്കിയിരിക്കുന്നത്. ഇനി മുതൽ ലാലേട്ടന്റെ കാറിന്റെ നമ്പര്‍ KL-07-CJ-2255.
കാറുകള്‍ എന്നും ഇഷ്ടപ്പെടുന്ന മോഹന്‍ലാലിന്റെ ശേഖരത്തിലുള്ള മറ്റ് വാഹനങ്ങള്‍ ബെന്‍സിന്റെ ജി.എല്‍ 350, ബെന്‍സ് എസ് ക്ലാസ്, പജീറോ എന്നിവയാണ് . നിര്‍മാതാവ് ആന്റണി പെരുമ്പാവൂരിന്റെ പേരില്‍ രജിസ്റ്റര്‍ ചെയ്തിരിക്കുന്ന ഈ പുതിയ ലാൻഡ് ക്രൂയിസറിനു 1.36 കോടി രൂപയാണ് വില. എന്നാല്‍ ഔദ്യോഗികമായി നമ്പര്‍ ഇതുവരെ കിട്ടിയിട്ടില്ല.
Post Your Comments