കേരളത്തില്‍ സൂപ്പര്‍ഹിറ്റായി ഓടിക്കൊണ്ടിരിക്കുന്ന കട്ടപ്പനയിലെ ഋത്വിക് റോഷന്‍ എന്ന ചിത്രത്തിന്റെ പ്രദര്‍ശനം ദുബായില്‍ ആരംഭിച്ചു. ചിത്രത്തിന്റെ ആദ്യ പ്രദര്‍ശനത്തോടനുബന്ധിച്ച് കട്ടപ്പനയിലെ കേന്ദ്രകഥാപാത്രത്തെ അവതരിപ്പിച്ച വിഷ്ണു ഉണ്ണികൃഷ്ണനും, സംവിധായകനായ നാദിര്‍ഷയും ദുബായിലെത്തി.
വന്‍ സ്വീകരണമാണ് വിഷ്ണു ഉണ്ണികൃഷ്ണന് പ്രവാസി പ്രേക്ഷകരില്‍ നിന്ന് ലഭിച്ചത്. ഫെസ്റ്റിവൽ സിറ്റിയിലെ നോവോസ് സിനിമയിൽ കുട്ടികളടക്കമുള്ള കുടുംബങ്ങൾ താരങ്ങളെ കാണാനെത്തിയിരുന്നു. ദുബായില്‍ ചിത്രംകണ്ട പ്രേക്ഷകര്‍ വിഷ്ണുവിനെ അഭിനന്ദിച്ചു. ചിത്രത്തില്‍ നായികയായി അഭിനയിച്ച പ്രയാഗമാര്‍ട്ടിന്‍, കട്ടപ്പനയുടെ തിരക്കഥാകൃത്തുക്കളില്‍ ഒരാളായ ബിബിന്‍ ജോര്‍ജ് എന്നിവര്‍ ചിത്രത്തിന്റെ ദുബായിലെ ആദ്യപ്രദര്‍ശനം കാണാനെത്തിയിരുന്നു.
Post Your Comments