വിജയ് ആരാധകര്‍ക്കൊപ്പം പോക്കിരി റി റിലീസ് ചെയ്ത് സണ്ണി വെയിനിന്റെ പുതിയ സിനിമയുടെ പ്രഖ്യാപനം. തിരുവനന്തപുരം ശ്രീകുമാര്‍ തിയറ്ററില്‍ വിജയ്‌യുടെ സൂപ്പര്‍ഹിറ്റ് ചിത്രമായിരുന്ന പോക്കിരിയുടെ റി റിലീസിനൊപ്പം വിജയ് ആരാധകരന്റെ കഥ പറയുന്ന സിനിമ അനൗണ്‍സ് ചെയ്തു. പോക്കിരി സൈമണ്‍ എന്ന് പേരിട്ടിരിക്കുന്ന സിനിമയില്‍ വിജയ് ആരാധന തലക്ക് പിടിച്ച കഥാപാത്രമാണ് സണ്ണി വെയിന്‍.
കൊന്തയും പൂണൂലും, ഡാര്‍വിന്റെ പരിണാമം എന്നീ സിനിമകളുടെ സംവിധായകനായ ജിജോ ആന്റണിയാണ് പോക്കിരി സൈമണ്‍ സംവിധാനം ചെയ്യുന്നത്. ശ്രീവരി ഫിലിംസിന്റെ ബാനറില്‍ കൃഷ്ണന്‍ സേതുകുമാറാണ് നിര്‍മ്മാണം. ഡോ. അമ്പാടിയുടേതാണ് തിരക്കഥ. സണ്ണി വെയിനിന്റെയും സംവിധായകന്‍ ജിജോ ആന്റണിയുടെയും സാന്നിധ്യത്തിലാണ് ചിത്രം പ്രഖ്യാപിച്ചത്
Post Your Comments