ചിരിപ്പിക്കാനും, ചിന്തിപ്പിക്കാനും, ത്രില്ലടിപ്പിക്കാനുമോക്കെയായി ഒരേമുഖം നാളെ തീയേറ്ററുകളിലേക്ക് എത്തുകയാണ്. യുവപ്രേക്ഷകര്‍ക്ക് ആവേശം പകര്‍ന്ന്കൊണ്ട് ധ്യാന്‍ ശ്രീനിവാസന്‍- അജു വര്‍ഗീസ്‌ കോമ്പിനേഷന്‍ എത്തുമ്പോള്‍ സിനിമാപ്രേമികളും പ്രതീക്ഷയിലാണ്. മലയാള സിനിമയില്‍ മുന്‍പ് ഉണ്ടായിട്ടുള്ള കാമ്പസ് ചിത്രങ്ങള്‍ക്കൊക്കെ മികച്ച പ്രേക്ഷക സ്വീകാര്യതയാണ് ലഭിച്ചിട്ടുള്ളത്. തമാശയും ആക്ഷനുമൊക്കെ കോര്‍ത്തിണക്കികൊണ്ട് നവാഗതനായ സജിത് ജഗദ്നന്ദൻ സംവിധാനം ചെയ്യുന്ന ചിത്രത്തില്‍ സക്കറിയ പോത്തന്‍ എന്ന മുഖ്യകഥാപാത്രമായി എത്തുന്നത് ധ്യാന്‍ ശ്രീനിവാസനാണ്. ‘അടി കപ്യാരെ കൂട്ടമണി’ എന്ന രസകരമായ കാമ്പസ് ചിത്രത്തിന് ശേഷം ധ്യാന്‍ – അജു വര്‍ഗീസ്‌ ടീം വീണ്ടും രസിപ്പിക്കാനും ത്രില്ലടിപ്പിക്കാനും എത്തുകയാണ്.
തുടക്കത്തില്‍തന്നെ ചിത്രത്തിന്റെ ടീസറും, ഗാനവും, ട്രെയിലറുമെല്ലാം വന്‍പ്രേക്ഷക സ്വീകാര്യതയോടെയാണ് മുന്നേറിയത്. നര്‍മത്താല്‍ അവതരിപ്പിച്ച ടീസറും സസ്പെന്‍സില്‍ അവതരിപ്പിച്ച ട്രെയിലറും നേരെത്തെതന്നെ പ്രേക്ഷകര്‍ക്ക് കൂടുതല്‍ പ്രിയങ്കരമായി മാറിയിരുന്നു . ബിജിബാല്‍ ഈണമിട്ട് വിനീത് ശ്രീനിവാസന്‍ ആലപിച്ച സദിരുമായ്….എന്ന് തുടങ്ങുന്ന ഗാനവും യൂട്യൂബില്‍ വന്‍ഹിറ്റായി മുന്നേറുകയാണ്. ബ്ലാക്ക് വാട്ടര്‍ സ്റ്റുഡിയോസിന്റെ ബാനറില്‍ ജയ്‌ലാല്‍ മേനോന്‍, അനില്‍ ബിസ്വാസ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ദീപു എസ്.നായര്‍ സന്ദീപ്‌ സദാനന്ദന്‍ എന്നിവര്‍ ചേര്‍ന്നാണ് ചിത്രത്തിന്റെ രചന നിര്‍വഹിച്ചിരിക്കുന്നത്. പ്രയാഗ മാര്‍ട്ടിന്‍, ജുവല്‍ മേരി, ഗായത്രി സുരേഷ്, ഓര്‍മ ബോസ് എന്നിവരാണ്‌ ചിത്രത്തിലെ നായികമാര്‍. അഭിരാമി, മണിയന്‍പിള്ള രാജു, ചെമ്പന്‍ വിനോദ് ജോസ്, രണ്‍ജിപണിക്കര്‍, ശ്രീജിത്ത് രവി, ബാലാജി, യാസര്‍ സലീം, പ്രദീപ് കോട്ടയം, നോബി, സുരേഷ് അരിസ്റ്റോ, കാവ്യ സുരേഷ്, രമ്യാപണിക്കര്‍, അമൃത, രോഷ്നി തുടങ്ങിയവരാണ് ചിത്രത്തിലെ മറ്റുതാരങ്ങള്‍.
ചിരിപ്പിക്കാനും ചിന്തിപ്പിക്കാനും ത്രില്ലടിപ്പിക്കാനുമൊക്കെയായി സക്കറിയപോത്തനും കൂട്ടരും എത്തുമ്പോള്‍ നല്ലൊരു ചിത്രം കാണാമെന്നുള്ള പ്രതീക്ഷയിലാണ് മലയാള സിനിമാ പ്രേക്ഷകരത്രയും…
Leave a Comment