ചലച്ചിത്ര താര സംഘടനയായ അമ്മയും മാധ്യമവും യു എ ഇ എക്‌സേഞ്ചും ചേര്‍ന്ന് ആവിഷ്‌ക്കരിച്ച ‘അക്ഷര വീട്’ പദ്ധതി വന്‍ വിജയമായിതീരുമെന്ന് സൂപ്പര്‍താരം മോഹന്‍ലാല്‍. മലയാളത്തിലെ 51 അക്ഷരങ്ങളെ മുന്‍നിര്‍ത്തി വീടില്ലാത്ത നിര്‍ദ്ദനര്‍ക്ക് അന്‍പത്തിയൊന്ന് വീട് വെച്ചുനല്‍കുന്ന പദ്ധതിക്കാണ് ഇവര്‍ തുടക്കമിട്ടിരിക്കുന്നത്.
“സര്‍വ്വ ജീവജാലങ്ങളുടെയും ആഗ്രഹമാണ് സ്വന്തമായി വീടുണ്ടാവുകയെന്നത്. പാര്‍പ്പിടമില്ലാത്തവനേ അതിന്റെ വേദന അറിയൂ. സമൂഹത്തിനു വേണ്ടി ജീവിക്കുകയും എന്നാല്‍ സ്വയം ജീവിതം കെട്ടിപ്പടുക്കാന്‍ കഴിയാതെപോവുകയും ചെയ്ത ആയിരങ്ങള്‍ നമുക്കിടയിലുണ്ട്”. പ്രമുഖ മാധ്യമത്തിനു നല്‍കിയ അഭിമുഖത്തില്‍ മോഹന്‍ലാല്‍ വ്യക്തമാക്കുന്നു. അക്ഷര വീട് പദ്ധതി കുറച്ചു പേരുടെ മാത്രം ആശയം മാത്രമായി ചുരുങ്ങരുതെന്നും മോഹന്‍ലാല്‍ കൂട്ടിച്ചേര്‍ത്തു.
Post Your Comments