ഫസ്റ്റ്ലുക്കിന്റെ അവതരണത്തില്‍ തികച്ചും വ്യത്യസ്തമാകുകയാണ് ‘തൃശ്ശിവപേരൂര്‍ ക്ലിപ്തം’ എന്ന ചിത്രം. തൃശൂരിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിന്റെ പോസ്റ്റര്‍ ആദ്യ കാഴ്ചയില്‍ തന്നെ ജനശ്രദ്ധ പിടിച്ചു പറ്റുന്നതാണ്. ചിത്രത്തിലെ പ്രധാന കഥാപാത്രങ്ങളെ ഉള്‍പ്പെടുത്തി തീപ്പെട്ടിക്കൂടിന്റെ മാതൃകയിലാണ് പോസ്റ്റര്‍ ഒരുക്കിയിരിക്കുന്നത്. തൃശ്ശിവപേരൂര്‍ ക്ലിപ്തം ഒരു ഹാസ്യചിത്രമായാണ് തയ്യാറാക്കുന്നത്. ചിത്രത്തില്‍ ആസിഫ് അലി, അപര്‍ണ ബാലമുരളി, ചെമ്പന്‍ വിനോദ്, ബാബുരാജ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു. നവാഗതനായ രതീഷ് കുമാര്‍ സംവിധാനം ചെയ്യുന്ന ചിത്രം വൈറ്റ് ബാന്‍ഡ്‌സ് മീഡിയാ ഹൗസിന്റെ ബാനറില്‍ ഫരീദ്ഖാനും ഷലീല്‍ അസീസും ചേര്‍ന്നാണ് നിര്‍മ്മിക്കുന്നത്.
Post Your Comments