സമുദ്രകനിയുടെ മലയാളചിത്രം വരുന്നു; മലയാളത്തിലെ സൂപ്പര്‍ താരം നായകനാകും

സിനിമകളില്‍ റീമേക്കുകള്‍ ധാരാളമാണ്. ഇവിടെ ഇപ്പൊ ചര്ച്ചയാകുന്നത് അപ്പാ എന്ന തമിഴ് ചിത്രമാണ്.

മലയാളത്തില്‍ ‘ശിക്കാര്‍’, ‘ഒപ്പം’ തുടങ്ങിയ സിനിമകളിലൂടെ ശ്രദ്ധേയനായ നടനും സംവിധായകനുമായ സമുദ്രക്കനി തമിഴില്‍ ചെയ്ത ഏറ്റവും പുതിയ സിനിമയാണ് ‘അപ്പാ’. അച്ഛനമ്മമാര്‍ക്കും അവരെ സ്‌നേഹിക്കുന്ന മക്കള്‍ക്കും വേണ്ടിയുള്ള ഒരു ഹൃദയസ്പര്‍ശിയായ കഥായിരുന്നു ‘അപ്പാ’ പറഞ്ഞത്. ഈ കഥ മലയാളത്തില്‍ ചില മാറ്റങ്ങള്‍ വരുത്തിക്കൊണ്ട് സമുദ്രക്കനി തന്നെ സംവിധാനം ചെയ്യുന്നു. ജയറാം നായകനായി അഭിനയിക്കുന്നു. 2017 ജനുവരിയില്‍ ഈ സിനിമയുടെ ചിത്രീകരണം കേരളത്തില്‍ നടക്കും. സിനിമയുടെ പേരും മറ്റഭിനേതാക്കളെയും തീരുമാനിച്ചുവരുകയാണ്.