രാഘവേന്ദ്ര റാവു-നാഗാര്‍ജുന കൂട്ടുകെട്ടില്‍ ഇറങ്ങുന്ന ബ്രഹ്മാണ്ഡ ചിത്രം ഓം നമോ വെങ്കിടേശായയുടെ ഫസ്റ്റ് ലുക്ക് പോസ്റ്ററുകള്‍ പുറത്തു വിട്ടപ്പോള്‍ താരമാകുന്നത് ഒരു ഗാനത്തില്‍ മാത്രം എത്തുന്ന നടി. സിനിമയിലെ നായിക അനുഷ്ക ഷെട്ടിയാണെങ്കിലും ഒരു ഗാനത്തില്‍ മാത്രമെത്തുന്ന പ്രഗ്യ ജസ്വാള്‍ ശ്രദ്ധാ കേന്ദ്രമാകുന്നത് വസ്ത്രം കൊണ്ടാണ്. ചിത്രങ്ങളില്‍ 14 കിലോ സ്വര്‍ണ്ണത്തിന്‍റെ ലെഹങ്കയാണ് പ്രഗ്യ അണിഞ്ഞിരിക്കുന്നത്. തന്‍റെ ഫെയ്സ്ബുക്കിലൂടെ നടി തന്നെയാണ് ഈ വിവരം അറിയിച്ചത്. പിന്നീട് നാഗാര്‍ജുനയും ഇത് ശരി വെക്കുകയായിരുന്നു. സ്വര്‍ണ്ണ ലെഹങ്കയില്‍ പ്രഗ്യ വളരെ സുന്ദരിയായിരിക്കുന്നെന്നാണ് താരത്തിന്‍റെ കമന്‍റ്. ഹതി രാം ബാബയുടെ ജീവിതത്തെ ആസ്പദമാക്കി ഒരുക്കുന്ന ചരിത്ര സിനിമയാണ് ഓം നമോ വെങ്കിടേശായ. ചിത്രം അടുത്ത വര്‍ഷം ആദ്യംതീയറ്ററുകളിലെത്തും.
Post Your Comments