മെറീന ഗ്ലാഡ്കിഖ് എന്ന റഷ്യന്‍ യുവതിയാണ് മലയാളത്തിലെ യുവതാരത്തോടുള്ള ആരാധന ഇന്‍സ്റ്റഗ്രാം വഴി പങ്കുവെച്ചിരിക്കുന്നത്. യുവതാരം ദുല്‍ഖര്‍ സല്‍മാനാണ് മെറീനയുടെ ഇഷ്ടനടന്‍. ദുല്‍ഖര്‍ അംബാസിഡറായ ഒരു ടെക്‌സ്റ്റൈല്‍ ബ്രാന്റിന്റെ പരസ്യത്തിലെ അദ്ദേഹത്തിന്റെ ചിത്രത്തിന് സമീപം നില്‍ക്കുന്ന ഒരു വിദേശയുവതിയുടെ ചിത്രം സോഷ്യല്‍ മീഡിയയില്‍ നേരെത്തെ തന്നെ വൈറലായിക്കഴിഞ്ഞു. gladworld എന്ന ഇന്‍സ്റ്റഗ്രാം അക്കൗണ്ടിലാണ് ചിത്രം പോസ്റ്റ്‌ ചെയ്തിരിക്കുന്നത്. എനിക്ക് ഏറ്റവും ഇഷ്ടപ്പെട്ട ഇന്ത്യന്‍ നടന്‍ കേരളത്തില്‍ നിന്നാണെന്നും, ബാംഗ്ലൂര്‍ ഡെയ്‌സ്, ചാര്‍ലി തുടങ്ങിയ ദുല്‍ഖര്‍ സിനിമകള്‍ കാണുമ്പോള്‍ മനസ്സിനു വല്ലാത്തൊരു സന്തോഷം തോന്നാറുണ്ടെന്നും മെറീന പറയുന്നു. സൈക്കോളജിസ്റ്റും എഴുത്തുകാരിയുമാണ് മെറീന. ജോലിയുടെ ഭാഗമായി മെറീന സ്ഥിരം ഇന്ത്യ സന്ദര്‍ശിക്കാറുണ്ട്.
Post Your Comments