സന അൽതാഫ് തന്‍റെ റോൾ മോഡലിനെ കുറിച്ച് പറയുന്നു

ലാൽ ജോസിന്റെ വിക്രമാദിത്യൻ എന്ന സിനിമയിലൂടെ ചലച്ചിത്ര ലോകത്തെത്തിയ നടിയാണ് സന അൽതാഫ്, പിന്നീട് മറിയം മുക്ക് , റാണി പദ്മിനി , തുടങ്ങിയ ചിത്രങ്ങളിലും സനയുടെ സാന്നിധ്യമുണ്ടായിരുന്നു . സിനിമയെപ്പറ്റി കൂടുതലൽ അറിയാനും പഠിക്കാനും താല്പര്യമുള്ള സനയ്ക്ക് ബോളിവുഡ് നടി പ്രിയങ്ക ചോപ്രയാണ് റോൾ മോഡൽ . ‘ സിനിമ എന്റെ പദ്ധതിയിലെ ഇല്ലാത്ത കാര്യമായിരുന്നു . സിനിമയോടെന്നല്ല ഒന്നിനോടും പ്രത്യേകിച്ച് താല്പര്യമൊന്നുമില്ലായിരുന്നു . പിന്നീടാണ് പ്രിയങ്കയെപ്പറ്റി കേൾക്കുന്നത് . വലിയ പിന്തുണകളൊന്നുമില്ലാതെ ബോളിവുഡിൽ തന്റേതായ ഇടം കണ്ടെത്തിയ പ്രിയങ്കയുടെ കഥ വല്ലാത്ത പ്രജോദനം നൽകി. എന്നാൽ അവരുടെ അഭിനയ രീതിയെ പിന്തുടരാൻ താത്പര്യമില്ല . അഭിനയത്തിൽ തന്റേതായ രീതി കണ്ടെത്താനാണ് ഞാൻ ശ്രമിക്കുന്നത്’ . സന പറയുന്നു . അനീഷ് അൻവർ സംവിധാനം ചെയ്യുന്ന ബഷീറിന്റെ പ്രേമലേഖനം എന്ന ചിത്രമാണ് മലയാളത്തിലെ സനയുടെ പുതിയ ചിത്രം . വെങ്കട് പ്രഭു സംവിധാനം ചെയ്യുന്ന ചെന്നൈ 600028 II: സെക്കന്റ് ഇന്നിംഗ്സ് എന്ന ചിത്രത്തിലൂടെ തമിഴ് സിനിമയിൽ അരങ്ങേറാൻ ഒരുങ്ങുകയാണ് സന അൽതാഫ്