ഗൗതമിയുടെ മകള്‍ സുബ്ബലക്ഷ്മി അഭിനയ രംഗത്തേക്ക് കടക്കുന്നു എന്നുള്ള വാര്‍ത്തകള്‍ പ്രചരിക്കാന്‍ തുടങ്ങിയിട്ട് നാളുകളായി. കമല്‍ഹാസനുമായുള്ള ലിവ് ഇന്‍ റിലേഷന്‍ ഗൗതമി അവസാനിപ്പിച്ചതിനെ തുടര്‍ന്നാണ് മകള്‍ സിനിമയിലേക്ക് വരുന്നുവെന്ന വാര്‍ത്ത പ്രചരിച്ചത്. ഇനി മകളുടെ കാര്യങ്ങളിലാവും തന്റെ പൂര്‍ണ്ണ ശ്രെദ്ധയെന്നു ഗൌതമിയും പ്രതികരിച്ചിരുന്നു. ശേഷം തമിഴകത്തെ പ്രമുഖ സംവിധായകരുമായി മകളുടെ രംഗപ്രേവേശനത്തെക്കുറിച്ച് ഗൌതമി ചര്‍ച്ചകള്‍ നടത്തുന്നുവെന്നും റിപ്പോര്‍ട്ട് ഉണ്ടായിരുന്നു. ധനുഷും സൗന്ദര്യ രജനീകാന്തും ചേര്‍ന്നൊരുക്കുന്ന വേലയില്ലാ പട്ടത്താരി 2ല്‍ ഗൗതമിയുടെ മകള്‍ സുബ്ബലക്ഷ്മി നായികയാകുമെന്നായിരുന്നു കഴിഞ്ഞ ദിവസങ്ങളില്‍ വന്ന വാര്‍ത്ത. എന്നാല്‍ സുബ്ബലക്ഷ്മി അഭിനയ രംഗത്തേക്ക് കടക്കുന്നുവെന്ന വാര്‍ത്ത ഗൌതമി നിഷേധിച്ചിരിക്കുകയാണ്. മകളെ സംബന്ധിച്ച്‌ പ്രചരിക്കുന്ന വാര്‍ത്തകള്‍ തികച്ചും അടിസ്ഥാനരഹിതമാണെന്ന് ഗൌതമി വ്യക്തമാക്കി. മകള്‍ ഇപ്പോള്‍ അഭിനയിക്കാനില്ലെന്നും പഠനത്തിലാണ് ശ്രദ്ധയെന്നും ഗൗതമി ട്വീറ്ററിലൂടെയാണ് അറിയിച്ചത്.
Post Your Comments