ജനീലിയ വീണ്ടുമെത്തുന്നു

ഒരിടവേളയ്ക്ക് ശേഷം ജനീലിയ വീണ്ടും സിനിമാരംഗത്തേക്ക് മടങ്ങി വരുന്നു. റിതേഷ് ദേശ്മുഖുമായുള്ള വിവാഹത്തിനു ശേഷം നടി സിനിമയില്‍ നിന്നു വിട്ടു നില്‍ക്കുകയായിരുന്നു. അഭിനൈ ഡിയോ സംവിധാനം ചെയ്യുന്ന ഫോര്‍സിന്റെ രണ്ടാം ഭാഗത്തിലൂടെയാണ് ജനീലിയ അഭിനയ രംഗത്തേക്ക് തിരിച്ചെത്തുന്നത്. ചിത്രത്തിന്റെ ആദ്യ ഭാഗത്തില്‍ ജോണ്‍ എബ്രഹാമിന്റെ നായികയായിരുന്നു ജനീലിയ. എന്നാല്‍, രണ്ടാം ഭാഗത്തില്‍ അതിഥി വേഷത്തിലാവും ജനീലിയ എത്തുന്നത്. തമിഴിലും ഹിന്ദിയിലും തിളങ്ങി നില്‍ക്കുന്ന സമയത്തായിരുന്നു ജനീലിയയുടെ വിവാഹം.