ഹോളിവുഡ് നടി ലിസാ ലിന്‍ മാസ്റ്റേഴ്സ് തൂങ്ങി മരിച്ചു. നടിയെ മരിച്ച നിലയില്‍ ഹോട്ടല്‍മുറിയില്‍ കണ്ടെത്തുകയായിരുന്നു. ലിമയിലെ ഹോട്ടലില്‍ പെറുവിലേക്കുള്ള മോഡലിംഗ് ട്രിപ്പിനിടയിലാണ് സംഭവം. മലയാളിയായ മനോജ് നൈറ്റ് ശ്യാമളന്‍്റെ അണ്‍ബ്രേക്കബിള്‍ സിനിമയിലെ അതിഥി വേഷമായ കിമ്മി ഷ്മിറ്റിനെ അവതരിപ്പിച്ച നടിയാണ് ലിസ.
ആത്മഹത്യയാണെന്നാണ് പ്രാഥമിക നിഗമനം. ഇവര്‍ കുറച്ചു കാലമായി വിഷാദരോഗത്തിനു അടിമ ആയിരുന്നെന്നും റിപ്പോര്‍ട്ടുകള്‍ ഉണ്ട്. ഹോട്ടല്‍ മുറിയില്‍ നിന്നും ആത്മഹത്യാകുറിപ്പെന്നു കരുതുന്ന രണ്ടു കത്തുകള്‍ കിട്ടിയിട്ടുണ്ട്. ശ്രദ്ധിക്കപ്പെടുന്ന വേഷമാണ് ലിസ അണ്‍ബ്രേക്കബിളില്‍ ചെയ്തത്. കഴിഞ്ഞ വര്‍ഷം ചെയ്ത ലോ ആന്റ് ഓര്‍ഡറിലെ വേഷവും ശ്രദ്ധിക്കപ്പെട്ടിരുന്നു. മൃതദേഹം അമേരിക്കയിലേക്ക് എത്തിക്കാനുള്ള ശ്രമം തുടങ്ങിയിട്ടുണ്ട്.
Post Your Comments