ധ്യാൻ ശ്രീനിവാസൻ, അജു വർഗീസ്, പ്രയാഗ മാർട്ടിൻ എന്നിവരെ പ്രധാന കഥാപാത്രങ്ങളാക്കി നവാഗതനായ സജിത് ജഗദ്നന്ദൻ സംവിധാനം ചെയ്ത ‘ഒരേമുഖ’ത്തിന്റെ ട്രെയിലര്‍ പുറത്തിറങ്ങി. മനോഹരമായ എൺപതുകളിലെ ക്യാമ്പസ് പശ്ചാത്തലത്തില്‍ ഒരുങ്ങുന്ന ചിത്രം ഒരു ത്രില്ലര്‍ മൂഡില്‍ ഉള്ളതായിരിക്കുമെന്നാണ് ട്രെയിലര്‍ നല്‍കുന്ന സൂചന. നവംബര്‍ 11 നാണ് ചിത്രം
തീയറ്ററുകളിലെത്തുന്നത്.
ഒരേ കോളേജില്‍ പഠിക്കുന്ന നാല് സുഹൃത്തുക്കളുടെ കഥയാണ് ചിത്രം പറയുന്നത്. ധ്യാന്‍ ശ്രീനിവാസന്‍, അജുവര്‍ഗീസ്, അര്‍ജുന്‍ നന്ദകുമാര്‍, ദീപക് പറമ്പോല്‍ എന്നിവവരാണ് ആ നാല്‍വര്‍ സംഘം. പ്രയാഗ മാര്‍ട്ടിന്‍, ജുവല്‍ മേരി, ഗായത്രി സുരേഷ്, ഓര്‍മ ബോസ് എന്നിവരാണ് നായികമാര്‍.
കുഞ്ഞിരാമായണത്തിന് ശേഷം ധ്യാന്‍ശ്രീനിവാസന്‍-അജു വര്‍ഗീസ്‌ കോമ്പിനേഷന്‍ വീണ്ടും ഒന്നിക്കുന്നുവെന്ന പ്രത്യേകതയുമുണ്ട്. അഭിരാമി, മണിയന്‍പിള്ള രാജു, ചെമ്പന്‍ വിനോദ് ജോസ്, രണ്‍ജിപണിക്കര്‍, ശ്രീജിത്ത് രവി, ബാലാജി, യാസര്‍ സലീം, പ്രദീപ് കോട്ടയം, നോബി, സുരേഷ് അരിസ്റ്റോ, കാവ്യ സുരേഷ്, രമ്യാപണിക്കര്‍, അമൃത, രോഷ്നി തുടങ്ങിയവരും ചിത്രത്തില്‍ ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു.
ബ്ലാക്ക് വാട്ടര്‍ സ്റ്റുഡിയോസിന്റെ ബാനറില്‍ ജയ്‌ലാല്‍ മേനോന്‍, അനില്‍ ബിസ്വാസ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ രചന നിര്‍വഹിക്കുന്നത് ദീപു.എസ്.നായര്‍, സന്ദീപ്‌ സദാനന്ദന്‍ എന്നിവരാണ്. സതീഷ് കുറുപ്പ് ഛായാഗ്രഹണവും രഞ്ജന്‍ എബ്രഹാം ചിത്രസംയോജനവും നിര്‍വഹിച്ചിരിക്കുന്നു. പ്രൊഡക്ഷന്‍ കണ്‍ട്രോളര്‍- ജിത്ത് പിരപ്പന്‍കോട്, കലാസംവിധാനം- സാബു മോഹന്‍, അസോസിയേറ്റ് ഡയറക്ടര്‍- ബേബി പണിക്കര്‍, ചമയം- പ്രദീപ് രംഗന്‍, വസ്ത്രാലങ്കാരം- സമീറ സനീഷ്, നിശ്ചല ഛായാഗ്രഹണം- ഹരി തിരുമല. വിതരണം-മാജിക് ഫ്രെയിംസ് റിലീസ്.
Post Your Comments