സണ്ണി ലിയോൺ അഭിനയം നിര്‍ത്തുന്നു

ഇന്ത്യയിൽ ഏറ്റവും കൂടുതൽ പേർ ഗൂഗിളിൽ തിരഞ്ഞ താരമാണ് സണ്ണി ലിയോൺ. ചുരുങ്ങിയ കാലം കൊണ്ടുതന്നെ ബോളിവുഡിൽ തന്‍റെ സ്ഥാനമുറപ്പിക്കാനും താരത്തിന് കഴിഞ്ഞു. പൂജ ഭട്ടിന്‍റെ  ജിസം 2 വിലൂടെ ഹിന്ദി സിനിമാ  ലോകത്തെത്തിയ സണ്ണി, ജാക്ക് പൊട്ട് , രാഗിണി എം എം എസ് 2 , വൺ നൈറ്റ് സ്റ്റാൻഡ് എന്നീ ചിത്രങ്ങളോടെ താരപദവിയിലേയ്ക്ക് ഉയരുകയായിരുന്നു. എന്നാൽ സണ്ണി ആരാധകർക്ക് നിരാശയുണ്ടാക്കുന്ന ഒരു വാർത്തയാണ് ബോളിവുഡിൽനിന്നും കേൾക്കുന്നത്. സണ്ണി അഭിനയം മതിയാക്കാനുള്ള തയ്യാറെടുപ്പിലാണെന്നാണ് മുംബൈയിൽ നിന്നുള്ള റിപ്പോർട്ടുകൾ . കുടുബത്തോടൊപ്പം കൂടുതൽ കഴിയാനും, അമ്മയാകാനുള്ള തയ്യാറെടുപ്പുകൾക്കുമാണ് ഈ തീരുമാനം. കൂടുംബവും സിനിമയും ഒന്നിച്ചു കൊണ്ടുപോവാൻ കഴിയില്ല. പ്രായം ഏറി വരുകയാണ് അതുകൊണ്ട് എത്രയും പെട്ടന്ന് അമ്മയാവണമെന്ന് ഡോക്ടർമാർ പറയുന്നു. അമ്മയായിക്കഴിഞ്ഞാലും സിനിമയിലേയ്ക്ക് തിരിച്ചുവരുമെന്നും. നായിക വേഷങ്ങൾ കിട്ടിയില്ലെങ്കിലും താൻ സിനിമയിൽ പിടിച്ചുനിൽക്കുമെന്നും താരം പറയുന്നു