ഇൻറർനെറ്റിൽ പുലിമുരുകന്റെ വ്യാജപതിപ്പ് പ്രചരിപ്പിച്ച 10 പേർ പോലീസ് നിരീക്ഷണത്തിൽ

മോഹൻലാൽ ചിത്രം പുലിമുരുകന്റെ വ്യാജപതിപ്പ് ഇൻറർനെറ്റിൽ. വിദേശത്തു നിന്ന് പ്രവർത്തിക്കുന്ന ചില വെബ് സൈറ്റുകളിലാണ് ഇന്നലയോടെ ചിത്രത്തിന്റെ പകർപ്പുകൾ പ്രത്യക്ഷപ്പെട്ടത്. ചിത്രത്തിന്റെ അണിയറക്കാർ ഇത് ശ്രദ്ധയിൽ പെടുത്തിയതോടെ , കേരള പോലീസിന്റെ സൈബർ ക്രൈം വിഭാഗമായ സൈബർ ഡോം ഇടപെട്ട് ചിത്രത്തിന്റെ പകർപ്പുകൾ സൈറ്റിൽ നിന്ന് നീക്കം ചെയ്തു. സൈബർ ഡോം ഈ സംഭവുമായി ബന്ധപ്പെട്ട് കൂടുതൽ അന്വേഷണമാരംഭിച്ചിട്ടുണ്ട്. വിദേശത്തുനിന്നും ചിത്രം അപ്പ് ലോഡ്‌ ചെയ്തവരെന്നു സംശയിക്കുന്ന 10 പേർ പോലീസ് നിരീക്ഷണത്തിലാണ്.