ദീപ്‌തി ഓണോത്സവത്തിന്റെ ഭാഗമായി ബംഗളുരുവിലെ പ്രസിദ്ധമായ ചൗഡയ്യ ഹാളിൽ നടന്ന ആകര്‍ഷക് ഡാന്‍സ് ഗ്രൂപ്പ് അവതരിപ്പിച്ച ഫ്യൂഷന്‍ ഡാന്‍സ് വേദിയിലിരുന്ന ഏവരുടെയും ശ്രദ്ധപിടിച്ചുപറ്റി. പുതുതലമുറയുടെ വേറിട്ട നൃത്തച്ചുവടിനു സാക്ഷ്യം വഹിക്കാന്‍ നടന്‍ ഇന്നസെന്റും സദസ്സിലുണ്ടായിരുന്നു.
ഇന്നസെന്റിന്റെ പ്രസംഗത്തിന് ശേഷമാണ്‌ ഈ നൃത്തം അരങ്ങേറിയത്. ‘ക്ക ..ക്ഷ ..ത്ത …’എന്ന കിലുക്കം സിനിമയിലെ ഇന്നസെന്റിന്റെ ഡയലോഗ് ഓര്‍മ്മയില്ലേ? ‘ക്ക ..ക്ഷ ..ത്ത എന്ന ഇന്നസെന്റ് ഡയലോഗ് കുട്ടികള്‍ വേറിട്ട നടനത്തോടെ വേദിയില്‍ അവതരിപ്പിച്ചപ്പോള്‍ സാക്ഷാല്‍ ഇന്നസെന്റും പറഞ്ഞു സംഭവം കലക്കീട്ടോ!!!’പിള്ളേര് കൊള്ളാലോ..’
ആകര്‍ഷക് ഡാൻസ്‌ ഗ്രൂപ്പിലെ കുട്ടികള്‍ക്ക് ഉപഹാരം നൽകാന്‍ സംഘാടകര്‍ ഇന്നസെന്റിനെ ക്ഷണിച്ചതോടെ ആദ്ദേഹം വീണ്ടും സന്തോഷത്തോടെ വേദിയിലെത്തി. പ്രധാന നര്‍ത്തകിയായ അഞ്ജന രാധാകൃഷ്ണനായിരുന്നു ആകര്‍ഷക് ഡാന്‍സ് ഗ്രൂപ്പിന്‍റെ കൊറിയോഗ്രാഫർ. സംഘാടകരുടെ ക്ഷണം സ്വീകരിച്ചു വേദിയിലെത്തിയ ഇന്നസെന്റ് അഞ്ജന രാധാകൃഷ്ണനെയും സഹ നർത്തകീനർത്തകന്മാരെയും അഭിനന്ദിച്ചു. അവരോട് സ്വതസിദ്ധമായ നർമ്മത്തോടെ ഇന്നസെന്റ് വീണ്ടും പറഞ്ഞു “കലക്കീട്ടോ ..!!”
Post Your Comments