തമിഴ് ചിത്രവും, തെലുങ്ക്‌ ചിത്രവുമൊക്കെ മലയാളത്തിലേക്ക് പരിഭാഷപ്പെടുത്തിയാണ് മലയാളം ചാനലുകാര്‍ മിക്കപ്പോഴും ഇത്തരം ചിത്രങ്ങള്‍ സംപ്രേഷണം ചെയ്യാറുള്ളത്. തമിഴ് ചിത്രങ്ങള്‍ മലയാളത്തിലേക്ക് മൊഴിമാറ്റപ്പെടുമ്പോള്‍ സംഗതി വളരെയധികം വികൃതമാകാറുണ്ട്. എന്നാലും പ്രേക്ഷകര്‍ക്ക് അതൊന്നും പുതിയൊരു കാര്യമല്ല. തമിഴ് സിനിമാ പ്രേമം തലയ്ക്കു പിടിച്ച മലയാളി പ്രേക്ഷകര്‍ ഇതൊക്കെ വീണ്ടും വീണ്ടും കുത്തിയിരുന്ന് ആസ്വദിക്കുക തന്നെ ചെയ്യും. അതുകൊണ്ട് തന്നെയാണ് പല മലയാളം ചാനലുകളും തുടരെ തുടരെ ഇത്തരം ചിത്രങ്ങള്‍ സംപ്രേഷണം ചെയ്തു കൊണ്ടിരിക്കുന്നത്. സൂപ്പര്‍ താരം രജനി കാന്തിന്റെ ‘കബാലി’ പ്രേക്ഷകരെ ഇന്നലെ ശരിക്കും ഞെട്ടിച്ചുവെന്ന് പറയേണ്ടി വരും. മിനിസ്ക്രീനിലെ കബാലിയുടെ ആദ്യ പ്രദര്‍ശനം ഇന്നലെ ഏഷ്യാനെറ്റാണ് സംപ്രേഷണം ചെയ്തത്.
തമിഴില്‍ നിന്ന് ചിത്രം മലയാളത്തിലേക്ക് മൊഴി മാറിയെത്തിയപ്പോള്‍ ആക്ഷന്‍ സിനിമ നര്‍മ സിനിമയായി മാറുകയായിരുന്നു. തമിഴിലെ ഭാഷ പ്രയോഗങ്ങള്‍ പലതും മലയാളത്തിലേക്ക് മാറിയതോടെ ‘കബാലി’ തമാശ പടമായി മാറി. ഇതോടെ സോഷ്യല്‍ മീഡിയയിലും ട്രോളര്‍മാര്‍ ആഘോഷം തുടങ്ങി. കബാലിയുടെ മലയാള മൊഴിമാറ്റം ആഘോഷമാക്കുന്ന ട്രോളര്‍മാരുടെ ട്രോളുകള്‍ ചുവടെ
Post Your Comments