മലയാളത്തിലെ ഒരുപാട് ഹിറ്റുകള്‍ നിര്‍മ്മിച്ച ആശിര്‍വാദ് സിനിമാസ് ഇനി ബോളിവുഡിലേക്ക്. ആദ്യമായാണ് മോഹന്‍ലാലിന്റെ നിര്‍മ്മാണ കമ്പനിയായ ആശിര്‍വാദ് സിനിമാസ് ഒരു ബോളിവുഡ് ചിത്രം നിര്‍മ്മിക്കാന്‍ തയ്യാറെടുക്കുന്നത്. മോഹന്‍ലാല്‍ പ്രിയദര്‍ശന്‍-കൂട്ടുകെട്ടില്‍ പുറത്തിറങ്ങിയ ഒപ്പമാണ് ആശിര്‍വാദ് സിനിമാസ് ഹിന്ദിയിലേക്ക് എത്തിക്കുന്നത്. ചിത്രത്തില്‍ മോഹന്‍ലാല്‍ അവതരിപ്പിച്ച കഥാപാത്രം അവതരിപ്പിക്കുന്നത് അക്ഷയ് കുമാറാണ്. ചിത്രത്തിന്റെ പേരോ കൂടുതല്‍ വിവരങ്ങളോ പുറത്തു വിട്ടിട്ടില്ല. അടുത്ത വര്ഷം ചിത്രത്തിന്റെ ഷൂട്ടിംഗ് ആരംഭിക്കും. പതിനാറു വര്ഷം കൊണ്ട് നിര്‍മ്മാണ രംഗത്ത് സജീവമായ ആശിര്‍വാദ് സിനിമാസ് ഇതുവരെ 23 സിനിമകള്‍ നിര്‍മ്മിച്ചിട്ടുണ്ട്.
Post Your Comments