സിദ്ധിക്ക് -ലാല്‍ കൂട്ടുകെട്ട് മലയാളികള്‍ക്ക് എന്നും ഒരുപിടി നല്ല ചിത്രങ്ങള്‍ സമ്മാനിച്ചിട്ടുള്ളവരാണ്. ഒരുപാട് നാളത്തെ ഇടവേളയ്ക്ക് ശേഷം ‘കിംഗ്‌ ലയര്‍’ എന്ന ചിത്രത്തിലൂടെ വീണ്ടുമൊന്നിച്ച ഇവര്‍ അടുത്ത മറ്റൊരു ചിത്രത്തിനായി കൈകോര്‍ക്കുകയാണ്. പുതിയ ചിത്രത്തില്‍ ലാല്‍ അഭിനേതാവിന്റെ റോളില്‍ മാത്രമാണ് പ്രത്യക്ഷപ്പെടുന്നത്. ആദ്യമായിട്ടാണ് സിദ്ധിക്ക് സംവിധാനം ചെയ്യുന്ന ഒരു മലയാള ചിത്രത്തില്‍ ലാല്‍ അഭിനയിക്കുന്നത്. ജയസൂര്യയെ നായകനാക്കി ഒരുക്കുന്ന ‘ഫുക്രി’ എന്ന ചിത്രത്തില്‍ അലിഫുക്രി എന്ന കഥാപത്രത്തെയാണ്‌ ലാല്‍ അവതരിപ്പിക്കുന്നത്. സിദ്ദിഖിന്റെ നിര്‍മ്മാണകമ്പനിയായ എസ് ടാക്കീസ് ആദ്യമായി നിര്‍മ്മിക്കുന്ന ചിത്രം കൂടിയാണിത്. ഈ വര്‍ഷത്തെ ക്രിസ്മസ് റിലീസായി ചിത്രം തീയേറ്ററുകളിലെത്തും.
Post Your Comments