‘ഊഴം’ എന്ന ചിത്രത്തിന് ശേഷം മറ്റൊരു ത്രില്ലറുമായി ജീത്തു ജോസഫ്

നവാഗതനായ അൻസാർ ഖാനാണ് ജീത്തുവിന്റെ തിരക്കഥയിലൊരുങ്ങുന്ന ചിത്രം സംവിധാനം ചെയ്യുന്നത്.’ലക്‌ഷ്യം’ എന്നാണ് ചിത്രത്തിന് പേരിട്ടിരിക്കുന്നത്. ‘ദൃശ്യം’ എന്ന ചിത്രത്തിന് ശേഷം ജീത്തു തിരക്കഥ എഴുതുന്ന ത്രില്ലർ ചിത്രം കൂടിയാണിത്.ആദ്യമായാണ് ജീത്തു ജോസഫ് മറ്റൊരു സംവിധായകന് വേണ്ടി തിരക്കഥ തയ്യാറാക്കുന്നത്.

ബിജു മേനോനും ഇന്ദ്രജിത്തും ആണ് നായകന്മാര്‍.ഐ.ടി പ്രൊഫഷണലായി ഇന്ദ്രജിത്തും,ചേരി വാസിയായി ബിജുമേനോനും വേഷമിടുന്നു. ‘സുസു സുധി വാത്മീകം’,’ഇടി’ എന്നീ ജയസൂര്യ ചിത്രങ്ങളിൽ നായികയായി തിളങ്ങിയ ശിവദയാണ് നായികയാകുന്നത്. കിഷോർ സത്യയും ഒരു പ്രധാന കഥാപാത്രത്തെ അവതരിപ്പിക്കുന്നു.ഷമ്മിതിലകനും ചിത്രത്തിലുണ്ട്. ജോയ് തോമസ് ശക്‌തികുളങ്ങരയാണ് നിർമ്മാതാവ്.സീനു സിദ്ധാർഥ് ഛായാഗ്രഹണവും,അനിൽ ജോൺസൺ സംഗീതവും നിർവ്വഹിക്കുന്നു.കെ.രാജശേഖരൻ സംഘട്ടനം കൈകാര്യം ചെയ്യുന്നു.വസ്ത്രാലങ്കാരം ലിന്‍ഡ ജീത്തു നിര്‍വഹിക്കുന്നു. കലാ സംവിധാനം  എം.ബാവ, പ്രൊ ഡക്ഷൻ കൻഡ്രോളർ റോഷൻ ചിറ്റൂർ.നടൻ ദിലീപിന്റെ ഉടമസ്ഥതയിലുള്ള ഗ്രാൻഡ് പ്രൊഡക്ഷൻസ് ചിത്രം പ്രദർശനത്തിന് എത്തിക്കും.അൻസാറിന്റെ കഥയെ അടിസ്ഥാനമാക്കിയാണ് തിരക്കഥ തയാറാക്കിയിരിക്കുന്നത്. പ്രേക്ഷകരെ എന്റര്ടെയിൻ ചെയ്യിപ്പിക്കാൻ തരത്തിലുള്ള ത്രില്ലർ സ്വഭാവമുള്ള സിനിമയായിരിക്കും ഇതെന്ന് ജീത്തു ജോസഫ് പറഞ്ഞു. നവംബറില്‍ ചിത്രീകരണം തുടങ്ങും.