മഹേന്ദ്രസിംഗ് ധോണിയുടെ ജീവിതകഥ പറയുന്ന ചിത്രം തീയേറ്ററില്‍ ഇറങ്ങാനിരിക്കെ ഈ ചിത്രവുമായി ബന്ധപ്പെട്ട് ക്രിക്കറ്റ് താരം ഗംഭീറിന്‍റെ വിമര്‍ശനം ശ്രദ്ധേയമാകുന്നു. ക്രിക്കറ്റ് താരങ്ങളുടെ ജീവിതകഥ സിനിമയാക്കുന്നതില്‍ യാതൊരു അര്‍ത്ഥവുമില്ല അത് പ്രോത്സാഹിപ്പിക്കനാകില്ല ഗംഭീര്‍ പറയുന്നു. ക്രിക്കറ്റര്‍മാരേക്കാളുപരി രാജ്യത്തിന് വേണ്ടി ജീവത്യാഗം ചെയ്തവര്‍ നമ്മുടെ നാട്ടിലുണ്ട് അവരെവച്ചു സിനിമയെടുക്കൂ എന്നാണ് ഗംഭീറിന്‍റെ പ്രസ്താവന. ചിത്രത്തിന്‍റെ പേര് എടുത്തു പറഞ്ഞിട്ടില്ലെങ്കിലും ഗംഭീര്‍ ധോണി ചിത്രത്തെ മുന്‍നിര്‍ത്തിയാണ് ഇത്തരമൊരു പ്രസ്താവന നടത്തിയിരിക്കുന്നത് എന്നത് വ്യക്തമാണ്. കാരണം ഇവര്‍ തമ്മിലുള്ള അഭിപ്രായ വ്യത്യാസങ്ങളും തര്‍ക്കങ്ങളും ക്രിക്കറ്റ് ലോകത്തെ പരസ്യമായ രഹസ്യമാണ്. ധോണിയുടെ ജീവിത കഥ ആസ്പദമാക്കിയുള്ള ചിത്രത്തിന്‍റെ ട്രെയിലറിനു വന്‍ പ്രേക്ഷക സ്വീകാര്യത ലഭിച്ചിരുന്നു.
Post Your Comments