സ്കൂള്‍ വിദ്യാര്‍ത്ഥിനികളോട് അപമര്യാദയായി പെരുമാറുകയും നഗ്നത കാട്ടുകയും ചെയ്‌തെന്ന കേസില്‍ അറസ്റ്റിലായ നടന്‍ ശ്രീജിത്ത് രവി നിരപരാധിയാണെന്ന് വിശ്വസിക്കുന്നതായി വിനീത് ശ്രീനിവാസന്. ശ്രീജിത്ത് രവിയുടെ സുഹൃത്ത് സിജി മനോജ് എഴുതിയ ഫേസ്ബുക്ക് പോസ്റ്റ് ഷെയര്‍ ചെയ്തുകൊണ്ടാണ് വിനീത് ശ്രീജിത്ത് രവിയുടെ നിരപരാധിത്വത്തെക്കുറിച്ച് പറയുന്നത്. തനിക്കു പരിചയമുള്ള ശ്രീജിത്ത് രവി ഇത്തരമൊരു പ്രവൃത്തി ഒരിക്കലും കാണിക്കാന്‍ ഇടയില്ല. സിനിമയില്‍ ചെയ്ത കഥാപാത്രങ്ങളെ പോലെയല്ല ജീവിതത്തില്‍ അദ്ദേഹം .എപ്പോഴും നല്ല പെരുമാറ്റവും സ്വഭാവമുള്ള ആളായിരുന്നു ശ്രീജിത് രവിയെന്നും വിനീത് പറയുന്നു. അദ്ദേഹവുമായുള്ള അനുഭവം വച്ച് പറയുകയാണെങ്കില്‍ മോശമായി ഒരു വാക്ക് പോലും അദ്ദേഹത്തില്‍ നിന്ന് കേട്ടിട്ടില്ലായെന്നും വിനീത് തുറന്നു പറയുന്നു. തെറ്റ് ചെയ്തത് ആരാണെങ്കിലും അവര്‍ക്ക് തക്കതായ ശിക്ഷ ലഭിക്കണമെന്നും സത്യം പുറത്തുവരണമെന്നും വിനീത് ഫെയിസ്ബുക്ക് കുറിപ്പില്‍ പറയുന്നു.
Post Your Comments