ഓരോ വായനക്കാരുടെയും ഹൃദയത്തില്‍ സ്പര്‍ശിച്ച നോവലായിരുന്നു ബെന്യാമിന്‍റെ ‘ആടു ജീവിതം’. ‘ആടു ജീവിതം’ പലയാവര്‍ത്തി വായിക്കാത്ത മലയാളികള്‍ തന്നെ വളരെ വിരളമാണ്. ബ്ലെസ്സിയുടെ സംവിധാനത്തില്‍ ‘ആടു ജീവിതം’ സിനിമയായി എത്തുന്നു എന്ന വാര്‍ത്തകളും വന്നിരുന്നു. ആടു ജീവിതത്തിലെ കേന്ദ്രകഥാപാത്രമായ നജീബിന് വെള്ളിത്തിരയില്‍ ജീവന്‍ നല്‍കാന്‍ പോകുന്നത് പൃഥ്വിരാജാണ്.
പൃഥ്വിരാജ് നജീബായി മാറുന്നതിനെ കുറിച്ച് ആടുജീവിതത്തിന്‍റെ സൃഷ്ടാവായ ബെന്യാമിന്‍ പറയുന്നതിങ്ങനെ
“നോവല്‍ ഇറങ്ങിയ കാലം മുതല്‍ സിനിമാചര്‍ച്ചകള്‍ ആരംഭിച്ചിരുന്നു. അടുത്ത വര്‍ഷത്തേക്ക് ചിത്രീകരണം ആരംഭിക്കും എന്ന ധാരണയിലാണ് എത്തിയിരിക്കുന്നത്. പ്രിഥ്വിരാജിന്‍റെ കയ്യില്‍ നജീബ് എത്രത്തോളം സേഫ് ആയിരിക്കും എന്ന അന്തിമമായ തീരുമാനം സംവിധായകന്‍റെയാണ്. അദ്ദേഹത്തിന്റെ സിനിമകള്‍ കണ്ടിട്ടുള്ള ഒരാളെന്ന നിലയില്‍ സിനിമയില്‍ അദ്ദേഹത്തിന്റെ ഡെഡിക്കേഷന്‍ വലുതാണ്‌. നജീബിനെ അവതരിപ്പിക്കണമെങ്കില്‍ രൂപമാറ്റമടക്കമുള്ള കഷ്ടപ്പാടുകള്‍ സഹിക്കാന്‍ സന്മനസ്സുള്ള അഭിനേതാവ് ആവശ്യമാണ്‌. പ്രിഥ്വിരാജിന് അത് കഴിയുമെന്ന് മാത്രമല്ല, വളരെ ആവേശത്തോടെയാണ് അദ്ദേഹം ആ വേഷം സ്വീകരിച്ചത്. ഏതാണ്ട് ഒരു വര്‍ഷത്തെ ഡേറ്റാണ് ഈ സിനിമയ്ക്കായി മാത്രം അദ്ദേഹം മാറ്റിവെച്ചിരിക്കുന്നത്. അത് നിശ്ചയമായും സിനിമയ്ക്ക് ഗുണം ചെയ്യുമെന്ന് ഞാന്‍ വിശ്വസിക്കുന്നു.”
Post Your Comments