‘പ്രേമം’ എന്ന സിനിമയ്ക്കുമപ്പുറം ആ ചിത്രത്തിലെ പ്രധാന ആകര്‍ഷണം സിനിമാ പ്രേമികളുടെ മനസ്സില്‍ ഇടം പിടിച്ച ‘മലര്‍’ മിസ്സ്‌ ആയിരുന്നു. ‘പ്രേമം’ എന്ന ചിത്രം ഇറങ്ങിയതിനു ശേഷം സായ് പല്ലവിയെ യുവ ഹൃദയങ്ങള്‍ ഹൃദയത്തോട് ചേര്‍ത്തുവെക്കുകയായിരുന്നു. മലരിനെയും ‘മലരേ’ എന്ന ഗാനവുവുമൊക്കെ പ്രേക്ഷകര്‍ക്ക്‌ ഇത്ര പ്രിയങ്കരമാക്കിയതിന് കാരണം സായി പല്ലവി എന്ന നടിയുടെ വേറിട്ട പ്രകടനമായിരുന്നു. ചിത്രം തെലുങ്കിലേക്ക് റീമേക്ക് ചെയ്യുമ്പോള്‍ ശ്രുതിഹാസനാണ് മലരിനെ അവതരിപ്പിക്കുന്നത്. നിവിന്‍ പോളി ചെയ്ത ‘ജോര്‍ജ്’ എന്ന കഥാപാത്രത്തെ നാഗ ചൈതന്യയും അവതരിപ്പിക്കും. എന്നാല്‍ മലരിനെയും ജോര്‍ജിനെയുമൊക്കെ നെഞ്ചിലേറ്റിയ മലയാള സിനിമ ആസ്വദകര്‍ക്ക് തെലുങ്കിലെ മലരിനേയും ജോര്‍ജിനേയും അത്ര പിടിച്ചിട്ടില്ല. ഇവിടെ കയ്യടിച്ചു ആസ്വദിച്ചു സ്വീകരിച്ച ‘മലരേ’ എന്ന സൂപ്പര്‍ ഹിറ്റ് ഗാനം തെലുങ്കില്‍ പുറത്തിറങ്ങിയതോടെ ട്രോളര്‍മാരും രംഗത്ത് ഇറങ്ങി. മലരായും, ജോര്‍ജായുമുള്ള ശ്രുതിഹാസന്‍റെയും, നാഗ ചൈതന്യയുടെയും പ്രകടനത്തില്‍ അതൃപ്തി രേഖപ്പെടുത്തിയ പ്രേക്ഷകര്‍ സോഷ്യല്‍ മീഡിയയില്‍ ട്രോള്‍ പൂരം നടത്തുകയാണ്.
Post Your Comments