ചെന്നൈ: ബഹുമാനപ്പെട്ട മുഖ്യമന്ത്രിക്ക് എന്റെ സന്ദേശം എന്ന അഭിസംബോധനയോടെയാണ് കമല്‍ ഹാസന്‍ പിണറായിക്കു വേണ്ടി എഴുതിയ കത്ത് ആരംഭിക്കുന്നത്. ഷെവലിയാര്‍ പുരസ്‌കാരം നേടിയതിന് അഭിനന്ദനമറിയിച്ച പിണറായി വിജയന് നന്ദിവാക്കുകളുമായാണ് ഉലകനായകന്‍ കമല്‍ ഹാസന്റെ കത്ത്. ഫെയ്‌സ്ബുക്കിലൂടെയായിരുന്നു പിണറായി കമലിനെ അഭിനന്ദിച്ചത്.
സിപിഐഎമ്മിന്റെ നിരവധി വേദികളില്‍ പിണറായിക്കൊപ്പം കമല്‍ ഹാസന്‍ പങ്കെടുത്തിട്ടുണ്ട്.
പിണറായി വിജയനും കമല്‍ഹാസനും തമ്മിലുള്ള സൗഹൃദം വര്‍ഷങ്ങള്‍ക്ക് മുന്‍പ് തന്നെ തുടങ്ങിയതാണ്. മതതീവ്രവാദത്തിന്റെ പേരില്‍ കമല്‍ ഹാസന്റെ വിശ്വരൂപം വിവാദത്തിലായപ്പോള്‍ പിന്തുണയുമായി ആദ്യം ഓടിയെത്തിയ ആളാണ് പിണറായി വിജയന്. ഇത്തരത്തില്‍ നിരവധി സംഭവങ്ങളില്‍ പിണറായി കമലിനെ പിന്തുണച്ചിട്ടുണ്ട്.
മറ്റൊരു സംസ്ഥാനത്തിന്റെ മുഖ്യമന്ത്രിയായ പിണറായി താങ്കളെ ഇത്രത്തോളം അഭിനന്ദിക്കുന്നതിനുള്ള കാരണം ചോദിച്ച ഒരാളോടെന്ന വണ്ണം പിണറായി എന്റെ മുഖ്യമന്ത്രിയെന്നാണ് കമല്‍ ഹാസന്‍ പറഞ്ഞത്. ഏതെങ്കിലും മലയാളിയോട് ഇതിനെ സംബന്ധിച്ച് ചോദിച്ചാല്‍ താന്‍ മലയാളിയാണെന്നേ അവര്‍ പറയുകയുള്ളൂ എന്നും കമല്‍ ഹാസന്‍ പറഞ്ഞു
കമല്‍ ഹാസന്‍ പിണറായിക്കെഴുതി കത്തിന്റെ പൂര്‍ണ്ണ രൂപം
My message to Hon.CM Dear Sir, Thank you very much for your kind words on my Chevalier award. Some one remarked ‘ How nice of another state’s head to lavish you with praise. I interjected ‘He is not another states CM . He is my state’s CM. Ask any film going Malayalee which state I belong to’.
Love
Kamal Ha-asan
Post Your Comments