പൃഥ്വിരാജ് വീണ്ടുമൊരു ബോളിവുഡ് ചിത്രത്തില്‍ അഭിനയിക്കാന്‍ തയ്യാറെടുക്കുകയാണ്. വളരെയേറെ നിരൂപക പ്രശംസ നേടിയ ‘ബേബി’ എന്ന സിനിമയുടെ പ്രീക്വല്‍ പതിപ്പിലാണ് പൃഥ്വിരാജ് കേന്ദ്രകഥാപാത്രമായി വരുന്നത്. അക്ഷയ്കുമാറിനെ നായകനാക്കി നീരജ് പാണ്ഡേ സംവിധാനം ചെയ്ത സിനിമയില്‍ തപസി പന്നു അവതരിപ്പിച്ച പ്രിയ സൂര്യവംശിയെ കേന്ദ്രീകരിച്ചാണ് ചിത്രം ഒരുങ്ങുന്നത്. ചിത്രം ആക്ഷന്‍ ത്രില്ലര്‍ സ്വഭാവത്തിലുള്ളതായിരിക്കുമെന്ന് സംവിധായകന്‍ പറയുന്നു. ശിവം നായരാണ് ബേബി പ്രീക്വല്‍ ഒരുക്കുന്നത്. അക്ഷയ്കുമാര്‍ അതിഥി താരമായിട്ടാണ് ചിത്രത്തില്‍ വേഷമിടുക. ഈ ചിത്രത്തിന്‍റെ ആശയത്തിന് പിന്നില്‍ അക്ഷയ്കുമാറാണെന്നും റിപ്പോര്‍ട്ടുകളുണ്ട് . സെപ്തംബര്‍ അവസാനത്തോടെ മുംബൈയില്‍ ചിത്രീകരണമാരംഭിക്കും. അയ്യ, ഔറംഗസേബ് എന്നിവയാണ് പൃഥ്വിരാജ് അഭിനയിച്ച മുന്‍ ബോളിവുഡ് ചിത്രങ്ങള്‍.
Post Your Comments