ചെന്നൈ● മദ്യപിച്ച് വാഹനമോടിച്ച പ്രമുഖ തമിഴ് നടന്‍ അരുണ്‍ വിജയ്‌യെ ചെന്നൈ പോലീസ് അറസ്റ്റ് ചെയ്തു. പുലര്‍ച്ചെ മൂന്ന് മണിയോടെയാണ് സംഭവം. താരവും ഭാര്യയും കുട്ടികളും യാത്ര ചെയ്തിരുന്ന കാർ പോലീസ് വാഹനത്തിൽ ഇടിച്ചുകയറ്റുകയായിരുന്നു. തുടര്‍ന്ന് ഡ്രൈവറെ കസ്റ്റഡിയില്‍ എടുത്തപ്പോഴാണ് ആളെ മനസിലായത്. പരിശോധനയില്‍ അരുണ്‍ മദ്യപിച്ചിരുന്നതായി മനസിലായി. തുടര്‍ന്ന് ഇയാള്‍ക്കെതിരെ കേസെടുക്കുകയായിരുന്നു.
പാര്‍ട്ടി കഴിഞ്ഞു വരികയായിരുന്നു എന്നാണ് അരുണ്‍ പോലീസിനോട് പറഞ്ഞത്. എയര്‍ ബാഗും മറ്റുമുള്ള വാഹനമായിരുന്നതിനാല്‍ താരത്തിനും കുടുംബത്തിനും അപകടത്തില്‍ പരുക്കേറ്റില്ല. കാര്‍ പോലീസ് കസ്റ്റഡിയിലെടുത്തിട്ടുണ്ട്.
പ്രമുഖ നടൻ വിജയകുമാറിന്റെ അന്തരിച്ച നടി മഞ്ജുളയുടെയും മകനാണ് വിജയ്. നടിമാരായ വനിത വിജയകുമാർ, പ്രീത വിജയകുമാർ, ശ്രീദേവി വിജയകുമാർ എന്നിവർ സഹോദരിമാരാണ്. അജിത്തിന്റെ ഗൗതം മേനോന്‍ ചിത്രം ‘എന്നൈ അറിന്താ’ലിലെ വില്ലന്‍ വേഷത്തിലൂടെ അരുണ്‍ ഏറെ ശ്രദ്ധപിടിച്ചുപറ്റിയിരുന്നു.
Post Your Comments