സൂപ്പര്‍ താരം വിക്രത്തിന്‍റെ സയന്‍സ് ഫിക്ഷന്‍ ത്രില്ലറായ ‘ഇരുമുഖന്’ സെപ്റ്റംബര്‍1-നു റിലീസ് ചെയ്യും എന്നായിരുന്നു ആദ്യം പുറത്തു വന്ന വാര്‍ത്തകള്‍. എന്നാല്‍ ചിത്രം സെപ്റ്റംബര്‍ എട്ടിലേക്ക് മാറ്റിവെച്ചിരിക്കുകയാണ്. ഇത് ചിത്രത്തെ കാര്യമായി ബാധിച്ചിട്ടുണ്ട്. മലയാളത്തില്‍ നിന്നുള്ള ഓണം ചിത്രങ്ങള്‍ കൂട്ടമായി എത്തുന്നതോടെ ഇരുമുഖന് പ്രതീക്ഷിച്ചത്ര റിലീസിംഗ് സെന്‍റര്‍ ലഭിക്കാതെ വരും. ഇത് വിതരണക്കാര്‍ക്ക് വന്‍ നഷ്ടമാണ് ഉണ്ടാക്കുന്നത്. ‘ഇരുമുഖന്’ റെക്കോര്‍ഡ്‌ കേന്ദ്രങ്ങളില്‍ റിലീസ് ചെയ്ത് കൂടുതല്‍ കളക്ഷന്‍ പിടിക്കുക എന്നതായിരുന്നു പദ്ധതി. പക്ഷേ മലയാളത്തില്‍ നിന്നുള്ള ഓണം ചിത്രങ്ങള്‍ നിരനിരയായി എത്തുന്നതോടെ ഇരുമുഖന് കനത്ത തിരിച്ചടി നേരിടേണ്ടി വരും. ഒപ്പം, ഊഴം, വെല്‍കം ടു സെന്‍ട്രല്‍ ജയില്‍, കൊച്ചൗവ പൗലോ അയ്യപ്പകൊയ്‌ലോ, ഒരു മുത്തശിഗദ എന്നിവയാണ് മലയാളത്തില്‍ നിന്നുള്ള ഓണം റിലീസുകള്‍.
Post Your Comments