ന്യൂഡല്‍ഹി: റിയോ ഒളിമ്പിക്സില്‍ പങ്കെടുക്കുന്ന എല്ലാ ഇന്ത്യന്‍ അത് ലറ്റുകള്‍ക്കും ബോളിവുഡ് താരം സല്‍മാന്‍ ഖാന്റ വക ഒരു ലക്ഷം രൂപ സമ്മാനം. റിയോ ഒളിമ്ബിക്സിന്റെ ഇന്ത്യന്‍ ബ്രാന്‍ഡ് അംബാസിഡര്‍മാരിലൊരാളായ സല്‍മാന്‍ ട്വിറ്ററിലൂടെയാണ് ഇക്കാര്യം അറിയിച്ചത്. റിയോയില്‍ പങ്കെടുക്കുന്ന കായികതാരങ്ങള്‍ക്കുള്ള പ്രോത്സാഹനമായി ഓരോരുത്തര്‍ക്കും 1,01000 രൂപ വീതം നല്‍കുമെന്നായിരുന്നു താരത്തിന്റെ പ്രഖ്യാപനം.
നേരത്തെ സല്‍മാന്‍ ഖാന്‍ അഭിനയിച്ച സുല്‍ത്താന്‍ സിനിമയുടെ നിര്‍മ്മാതാക്കളായ യശ്രാജ് ഫിലിംസ് ഒളിമ്ബിക്സില്‍ സ്വര്‍ണ മെഡല്‍ നേടുന്ന ഇന്ത്യന്‍ താരത്തിന് പത്ത് ലക്ഷം രൂപ സമ്മാനമായി നല്‍കുമെന്ന് പ്രഖ്യാപിച്ചിരുന്നു. തിയറ്ററുകളില്‍ ഹിറ്റായ സുല്‍ത്താന്‍ ഒളിമ്ബിക്സില്‍ സ്വര്‍ണം നേടുന്ന ഗുസ്തി താരത്തിന്റെ കഥ പറയുന്ന സിനിമയാണ്.
കായിക രംഗത്തെ പ്രോത്സാഹിപ്പിക്കാന്‍ എല്ലാവരും ആകുന്ന പിന്തുണ
നല്‍കണമെന്നും നമ്മുടെ കായികരംഗത്തിന് കേന്ദ്രസര്‍ക്കാര്‍ നല്‍കുന്ന പിന്തുണ വളരെ വലുതാണെന്നും സൽമാൻ പറഞ്ഞു.
Post Your Comments