2003-ല്‍ പുറത്തിറങ്ങിയ വി.എം വിനു ചിത്രമായിരുന്നു ‘ബാലേട്ടന്‍’. ‘ബാലേട്ടന്‍’ എന്ന സിനിമയുടെ തിരക്കഥ എഴുതിയത് നമ്മളെ വിട്ടുപോയ പ്രിയരചയിതാവ് ടി എ ഷാഹിദായിരുന്നു. കഴിഞ്ഞ ദിവസം അന്തരിച്ച ടി എ റസാക്കിന്‍റെ സഹോദരനാണ് ടി എ ഷാഹിദ്.
‘ബാലേട്ടന്‍’ എന്ന സിനിമ ടി എ ഷാഹിദിന് എഴുതാന്‍ പ്രചോദനമായ വ്യക്തി സഹോദരനായ ടി എ റസാഖായിരുന്നുവെന്നു ചിത്രത്തിന്‍റെ സംവിധായകനായ വി എം വിനു പറയുന്നു. തന്‍റെ ചേട്ടനെ മുന്നില്‍ കണ്ടാണ്‌ ‘ബാലേട്ടന്‍’ സിനിമ രൂപ്പപ്പെടുത്തിയത്. അത്രത്തോളം നന്മയുള്ള ആ കഥാപാത്രത്തെ രൂപപ്പെടുത്താന്‍ തന്‍റെ മുന്നില്‍ ചേട്ടനല്ലാതെ മറ്റൊരാളും ഇല്ലായിരുന്നുവെന്നും ടി എ ഷാഹിദ് പറഞ്ഞിരുന്നതായി സംവിധായകന്‍ വി.എം വിനു ഓര്‍ത്തെടുക്കുന്നു. വി എം വിനുവുമായി ചേര്‍ന്ന് റസാഖ് ഒരുക്കിയ മികച്ച ചിത്രങ്ങളില്‍ ഒന്നായിരുന്നു ‘വേഷം’. ചിത്രം പ്രേക്ഷകര്‍ക്കിടയില്‍ വളരെയധികം ശ്രദ്ധിക്കപ്പെട്ടിരുന്നു.
Post Your Comments