അജിത്തിന്‍റെ അന്‍പത്തിയേഴാമത് ചിത്രത്തില്‍ നായികയാകാന്‍ ഞറുക്ക് വീണത്‌ കാജല്‍ അഗര്‍വാളിനായിരുന്നു. ‘ഗരുഡ’ എന്ന വിക്രം ചിത്രത്തില്‍ നിന്ന് പിന്മാറിയ നടി ഈ ചിത്രത്തില്‍ ജോയിന്‍ ചെയ്യുകയായിരുന്നു. എന്നാല്‍ ഇപ്പോള്‍ പുറത്തു വരുന്ന വാര്‍ത്ത കാജല്‍ മൂലം അജിത്‌ ചിത്രം വൈകുന്നു എന്നതാണ്. അതിനു കാരണമാണ് അതീവ രസകരം. സ്ലോവേനിയയില്‍ ഷൂട്ടിംഗ് ആരംഭിച്ചപ്പോള്‍ മുതല്‍ താരം കറക്കത്തിലാണ്.ഷൂട്ടിങ്ങിന് വരുമ്പോള്‍ അമ്മയെ കൂടി കൊണ്ട് വരണം എന്ന കാജലിന്‍റെ ആവശ്യം നിര്‍മ്മാതാവ് കേട്ടിരുന്നു എന്നാലിപ്പോള്‍ അമ്മയ്ക്ക് പിറകെ കാജലിന്‍റെ അച്ഛനും, അനിയത്തിയും സ്ലോവേനിയയിലെത്തി. ഷൂട്ടിംങ്ങിന്‍റെ കാര്യം ഗൗരവമായി എടുക്കാതെ കാജലിപ്പോള്‍ സ്ലോവേനിയയില്‍ ഫാമിലിയുമായി അടിച്ചു പൊളിക്കുകയാണ്.
Post Your Comments