ചലച്ചിത്ര സംവിധായകന്‍ ശശി ശങ്കര്‍ അന്തരിച്ചു. വീട്ടില്‍ അബോധാവസ്ഥയില്‍ കണ്ടതിനെ തുടര്‍ന്ന് ശശി ശങ്കറിനെ ആശുപത്രിയില്‍ എത്തിക്കുകയായിരുന്നു പക്ഷേ ജീവന്‍ രക്ഷിക്കാനായില്ല. നാരായം, ഗുരുശിഷ്യന്‍, മന്ത്രമോതിരം, മിസ്റ്റര്‍ ബട്ട്‌ലര്‍, കുഞ്ഞിക്കൂനന്‍ എന്നിവയാണ് ശശി ശങ്കര്‍ സംവിധാനം ചെയ്ത പ്രധാന മലയാള ചിത്രങ്ങള്‍. ശശി ശങ്കര്‍ ആദ്യമായി സംവിധാനം ചെയ്ത ‘നാരായം’ മികച്ച സാമൂഹിക പ്രസക്തിയുള്ള ചിത്രമായി ദേശീയ തലത്തില്‍ തെരഞ്ഞെടുത്തിരുന്നു. കുഞ്ഞികൂനന്‍റെ തമിഴ് പതിപ്പായ പേരഴകനും ശശി ശങ്കര്‍ തന്നെയാണ് സംവിധാനം ചെയ്തത്. 2014-ല്‍ ‘പഗഡയ്പഗഡയ്’എന്ന മറ്റൊരു തമിഴ് ചിത്രവും ശശി ശങ്കറിന്റെ സംവിധാനത്തില്‍ പുറത്തു വന്നിരുന്നു. നിരവധി പ്രമുഖ സംവിധായകരുടെ സഹ സംവിധായകനായും , അസ്സോസിയേറ്റ് ഡയറക്ടറായും ശശി ശങ്കര്‍ വര്‍ക്ക്‌ ചെയ്തിട്ടുണ്ട്. സത്യന്‍ അന്തികാടിന്റെ സിനിമകളിലൂടെ സഹസംവിധായകനായി കടന്നു വന്ന ശശി ശങ്കര്‍ പ്രേക്ഷകര്‍ക്ക് ഓര്‍ത്തിരിക്കാവുന്ന ഒരുപിടി നല്ല ചിത്രങ്ങള്‍ സംഭാവന ചെയ്തു . ശശി ശങ്കറിന്റെ കരിയറിലെ ഏറ്റവും ശ്രദ്ധനേടിയ ചിത്രങ്ങളില്‍ ഒന്നായിരുന്നു ദിലീപിന്‍റെ വ്യത്യസ്ഥ വേഷ പകര്‍ച്ചയുമായി എത്തിയ കുഞ്ഞികൂനന്‍. മലയാള സിനിമ ലോകത്ത് നിന്നു മറ്റൊരു നല്ല സംവിധായകന്‍ കൂടി വിട വാങ്ങിയിരിക്കുന്നു. പ്രണാമം
Post Your Comments