‘ഇരുമുഗന്‍’ എന്ന വിക്രം ചിത്രത്തിനായി കാത്തിരിക്കുകയാണ് തമിഴ് സിനിമാ ലോകവും അദ്ദേഹത്തിന്‍റെ ആരാധകരും. ഇതിനു പുറമേ വിക്രം ആരാധകര്‍ക്ക് സന്തോഷിക്കാനായി മറ്റൊരു വാര്‍ത്ത കൂടി പുറത്ത് വന്നിരിക്കുകയാണ്. വിക്രമിന്‍റെ സൂപ്പര്‍ ഹിറ്റ്‌ ചിത്രം സാമിയുടെ രണ്ടാം ഭാഗം വരുന്നു എന്നതാണ് പുതിയ വിവരങ്ങള്‍. സാമി പുറത്തിറങ്ങിയത് 2003-ലാണ് ചിത്രത്തില്‍ പൊലീസ് ഓഫീസറുടെ വേഷത്തിലായിരുന്നു വിക്രം അഭിനയിച്ചത്. പുതിയ ചിത്രത്തില്‍ വില്ലനിസമുള്ള പൊലീസ് ഉദ്യോഗസ്ഥനായിരിക്കും വിക്രമെന്ന് സാമിയുടെ സംവിധായകനായ ഹരി പറയുന്നു. സാമി പ്രേക്ഷകര്‍ സ്വീകരിച്ച പോലെ തന്നെ ചിത്രത്തിന്‍റെ രണ്ടാം ഭാഗവും പ്രേക്ഷകരെ ആകര്‍ഷിക്കും എന്നുതന്നെ കരുതാം.
Post Your Comments