സിദ്ധാര്‍ത്ഥ് ശിവ സംവിധാനം ചെയ്യുന്ന ‘കൊച്ചവ്വ പൗലോ അയ്യപ്പ കൊയ്‌ലോ’യുടെ പോസ്റ്റര്‍ വിഖ്യാത എഴുത്തുകാരന്‍ ‘പൗലോ കൊയ്‌ലോ’ തന്റെ ട്വീറ്റര്‍ പേജിലൂടെ പങ്കുവെച്ചിരിക്കുകയാണ്. തന്റെ പേര് പരാമര്‍ശിക്കുന്ന മലയാള ചിത്രത്തിന്റെ ഫസ്റ്റ് ലുക്ക് പോസ്റ്റര്‍ സമൂഹ മാധ്യമത്തില്‍ പങ്കുവെച്ചിരിക്കുകയാണ് അദ്ദേഹം. ഉദയാ പിക്‌ചേഴ്‌സിന്റെ ബാനറില്‍ കുഞ്ചാക്കോ ബോബന്‍ നിര്‍മ്മിച്ച് സിദ്ധാര്‍ത്ഥ് ശിവ സംവിധാനം ചെയ്യുന്ന ‘കൊച്ചവ്വ പൗലോ അയ്യപ്പ കൊയ്‌ലോ’ എന്ന സിനിമയുടെ ഫസ്റ്റ് ലുക്ക് പോസ്റ്ററാണ് പൗലോ കൊയ്‌ലോ തന്റെ ഒഫീഷ്യല്‍ ട്വീറ്റര്‍ പേജിലൂടെ പങ്കുവെച്ചിരിക്കുന്നത്. കുഞ്ചാക്കോ ബോബനും രുദ്രാക്ഷ് സുധീഷും ടൈറ്റില്‍ കഥാപാത്രങ്ങളെ അവതരിപ്പിക്കുന്ന സിനിമയില്‍ കൊച്ചവ്വ, അയ്യപ്പദാസ് എന്നിവരെ പൗലോ കൊയ്‌ലോയുടെ പുസ്തകങ്ങള്‍ എങ്ങനെ സ്വാധീനിച്ചു എന്നതാണ് ചിത്രം പറയുന്നത് . ലോകമെമ്പാടുമുള്ള എല്ലാ പുസ്തക പ്രേമികളുടെയും മനസ്സില്‍ സ്ഥാനം പിടിച്ച ബ്രസീലിയന്‍ എഴുത്തുകാരനാണ് ‘പൗലോ കൊയ്‌ലോ’. സിനിമയുടെ ഫസ്റ്റ് ലുക്ക് പോസ്റ്ററിനെ കുറിച്ച് വന്ന ഒരു ഇംഗ്ലീഷ് വാര്‍ത്തയുടെ ലിങ്കാണ് പൗലോ കൊയ്‌ലോ തന്റെ പേജില്‍ ഷെയര്‍ ചെയ്തിരിക്കുന്നത്.
Post Your Comments