ദുല്‍ഖറിനൊപ്പം ഒരു സിനിമ ചെയ്യണമെന്നത് തന്‍റെ ഏറ്റവും വലിയ ആഗ്രഹമാണെന്ന് ഹുമ ഖുറേഷി വ്യക്തമാക്കി. ഒരുപാട് കഴിവുകള്‍ ഉള്ളൊരു ചെറുപ്പക്കാരനാണ് ദുല്‍ഖറെന്നും അവര്‍ വാചാലയായി. മലയാളത്തില്‍ മമ്മൂട്ടിക്കൊപ്പം അഭിനയിക്കാന്‍ കഴിഞ്ഞതിന്‍റെ ആവേശത്തിലാണ് ഹുമ.
ഈ മാസം 29ന് പുറത്തിറങ്ങുന്ന “വൈറ്റ് ” എന്ന ചിത്രത്തിലൂടെയാണ് ഹുമ മമ്മൂട്ടിയുടെ നായികയായി മലയാള സിനിമയില്‍ അരങ്ങേറ്റം കുറിക്കുന്നത്.
ചിത്രത്തിന്‍റെ പ്രചരണാര്‍ഥം കൊച്ചിയിലെത്തിയതായിരുന്നു ഹുമ. “ഗാംഗ്സ് ഓഫ് വസിപൂര്‍” ഉള്‍പ്പെടെയുള്ള ഹിന്ദി ചിത്രങ്ങളില്‍ നിന്ന് മലയാളത്തിലേക്ക് എത്തുമ്പോള്‍ തുടക്കം തന്നെ നന്നായെന്ന അഭിപ്രായമാണ് ഹുമയ്ക്ക്.
“വൈറ്റ് ” മനോഹരമായ ഒരു പ്രണയചിത്രമാണെന്നും പ്രായമായ ഒരാളെ ഇഷ്ടപ്പെടുന്ന പെണ്‍കുട്ടിയുടെ ചിത്രമാണിതെന്നും ഹുമ പറഞ്ഞു. റൊമാന്‍റിക് ചിത്രം എന്നതിനപ്പുറം കൂടുതല്‍ കമന്‍റിന് ഹുമ തയ്യാറായില്ല. തിയേറ്ററില്‍ പോയി ചിത്രം കാണണമെന്നും അവര്‍ ഓര്‍മ്മപ്പെടുത്തി.
Post Your Comments