രജനികാന്തിന്റെ ‘കബാലി’ സിനിമ ഡൗണ്‍ലോഡ് ചെയ്യുന്നതില്‍നിന്ന് ഇന്റര്‍നെറ്റ് സര്‍വിസ് പ്രൊവൈഡര്‍മാര്‍ക്ക് കോടതി വിലക്ക്. സിനിമയുടെ നിര്‍മാതാവ് എസ്. തനു നല്‍കിയ ഹരജി പരിഗണിച്ചാണ് ചെന്നൈ ഹൈകോടതി ജസ്റ്റിസ് എന്‍. കിരുഭാസ്‌കരന്റെ താല്‍ക്കാലിക ഉത്തരവ്.
നിയമവിരുദ്ധമായി ഡൗണ്‍ലോഡ് ചെയ്യുന്നതില്‍നിന്ന് 180 വെബ്‌സൈറ്റുകളെയും അറിയപ്പെടാത്ത മറ്റു സൈറ്റുകളെയും വിലക്കിയിട്ടുണ്ട്. ഡൗണ്‍ലോഡ് തടയാന്‍ ടെലികോം റെഗുലേറ്ററി അതോറിറ്റി ഓഫ് ഇന്ത്യ എല്ലാ പ്രൊവൈഡര്‍മാര്‍ക്കും കര്‍ശന നിര്‍ദേശം നല്‍കണമെന്ന ഉത്തരവുണ്ടാകണമെന്ന് നിര്‍മാതാവ് ആവശ്യപ്പെട്ടിരുന്നു.
Post Your Comments